Auglýst er eftir starfsmanni í félagsmiðstöðina á Kópaskeri

Tímabundið hlutastarf starfsmanns félagsmiðstöðvar á Kópaskeri er laust til umsóknar. Unnið er í tímavinnu frá ráðningu til 31. maí 2024. Laun eru samkvæmt kjarasamningi.

Félagsmiðstöðin þjónustar börn, unglinga eða ungmenni á skólasvæði Öxarfjarðarskóla og Grunnskóla Raufarhafnar. Félagsmiðstöðin er opin einu sinni í viku, á fimmtudögum á milli kl. 16 og 19.

Starfslýsing

Vinnur með börnum, unglingum eða ungmennum, í félagsmiðstöð á Kópaskeri. Starfar undir stjórn yfirmanns. Skipuleggur og framkvæmir ásamt samstarfsfólki, í samráði við börn, unglinga eða ungmenni sem sækja félagsmiðstöð á Kópaskeri, dagskrár félagsmiðstöðvarinnar.

Menntunar- og hæfniskröfur

• Reynsla af störfum í félagsmiðstöð er kostur.
• Reynsla af vinnu með börnum, unglingum eða ungmennum.
• Sjálfstæði, frumkvæði og lausnamiðuð hugsun.
• Mikil samskiptahæfni og góðir skipulagshæfileikar
• Hreint sakavottorð

Umsóknarfrestur er til og með 18. september 2023.

Umsóknum skal skila á rafrænu formi til fræðslufulltrúa Norðurþings á netfangið jon@nordurthing.is

 

Nánari upplýsingar eru veittar á skrifstofu Norðurþings að Ketilsbraut 7-9 á Húsavík í síma 464 6100 eða með fyrirspurnum á netfangið nordurthing@nordurthing.is