Byggðarráð Norðurþings
03.11.2006
Tilkynningar
Á fundi byggðarráðs Norðurþings í gær, 2. nóvember, óskaði Tryggvi Jóhannsson eftir að rætt
yrði um hvalveiðar og áhrif þeirra á ferðaþjónustu og var niðurstaða umræðnanna eftirfarandi:
Á fundi byggðarráðs Norðurþings í gær, 2. nóvember, óskaði Tryggvi Jóhannsson eftir að rætt yrði um hvalveiðar og áhrif þeirra á ferðaþjónustu og var niðurstaða umræðnanna eftirfarandi:
Byggðarráð Norðurþings fagnar þeirri myndarlegu uppbyggingu sem orðið hefur í ferðaþjónustu á
Húsavík undanfarin ár.
Grundvöllur þessarar uppbyggingar er hvalaskoðun, sem hefur verið helsti vaxtarbroddur ferðaþjónustu í landinu og tugir
þúsunda ferðamanna sækja í á hverju ári. Þessi nýsköpun hefur risið hæst á Húsavík þar sem
framsýnt fólk hefur skapað umhverfi fyrir ferðamenn sem er til fyrirmyndar.
Byggðarráð Norðurþings telur hvalveiðar andstæðar hagsmunum ferðaþjónustu, sem byggjast á hvalaskoðun, og
að þær setji í hættu margra ára uppbyggingarstarf og harmar því ákvörðun sjávarútvegsráðherra um
veiðarnar.
Þótt Byggðarráðið dragi ekki í efa rétt okkar Íslendinga til þess að stunda hvalveiðar vekur það
athygli á að við höfum líka rétt til að stunda þær ekki.