Fjölskylduhátíð í Íþróttahöllinni á Húsavík
Laugardaginn 15. mars verður haldin fjölskylduhátíð í Íþróttahöllinni á Húsavík. Dagskráin er að venju fjölbreytt og hefst kl. 14:00 með stórleik í handbolta. Þar mun karlaklúbburinn SÓFÍA skora á annars vegar lið meistaraflokks Völsungs og hins vegar stjörnulið Bergs Elíasar Ágústssonar sveitastjóra Norðurþings. Kynnir verður Ingvar Björn Guðlaugsson
Í hálfleik verður boðið upp á fimleikasýningu , Karatesýningu og er fólki boðið að reyna sig í ýmsum
þrautum , hver hittir í körfuna ?
Kaffisala á vegum meistarflokks kvenna í Knattspyrnu.
Að leik loknum verður gestum og gangandi boðið upp á að prófa klifurvegginn undir dyggri leiðsögn reyndra klifurmanna og reyna sig í ýmsum
þrautum á vegum Töff-sport.
Miðaverð er kr. 500, frítt fyrir 6 ára og yngri. Allur ágóðinn fer upp í kaup á fjölnota sviði í
íþróttahöllina.
Mætum öll og eigum skemmtilega stund í Höllinni !