Fyrsta sprenging jarðgangna um Húsavíkurhöfða
11.03.2016
Tilkynningar
Um kl. 11 í gærmorgun var fyrsta sprenging í jarðgöngum um Húsavíkurhöfða sprengd. Ef vel gengur hyggjast menn svo sprengja 50-60 m af göngum á viku. Horft er til þess að "slá í gegn" um mitt sumar. Meðfylgjandi myndskeið tók Gaukur Hjartarson, skipulags- og byggingarfulltrúi af sprengingunni. Hann mælir með því að myndbandið sé sett á HD og „full screen“ þegar horft er á það. Töluverður titringur er á upptökunni en að sögn Gauks var talsverður hlákuvindur á staðnum þegar sprengt var.