Hrútadagurinn á Raufarhöfn
Þann 3. október n.k. verður hinn árlegi Hrútadagur haldinn á Raufarhöfn.
Þar verða lambhrútar til sölu, frá Öxarfjarðar- Sléttu- og Þistilfjarðar-varnarhólfum. Sigurgeir Þorgeirsson ráðuneytisstjóri í Sjávarútvegs- og landbúnaðarráðuneytinu mun setja samkomuna.
Bestu hrútarnir verða boðnir upp af reyndum uppboðshaldara. Íslandsmeistarakeppnin í kjötsúpugerð verður einnig á sínum stað. Söngskemmtun verður í félagsheimilinu Hnitbjörgum um kvöldið þar sem Álftagerðisbræður koma fram ásamt áður óþekktum norður-þingeyskum "kaffibrúsakörlum" sem flytja heimatilbúin gamanmál.
Hrútabandið spilar fyrir dansi, leikur á ýmis hljóðfæri og raular fram á nótt.
Tilboð eru á gistingu á Hótel Norðurljósum þessa helgi.
Hrútadagsnefndin
Menningarráð Eyþings , Rarik og Fjallalamb styrkir þessa samkomu