Íbúakynning - Skjálftasetur 25. september kl. 20:00
Boðað er til kynningarfundar vegna tillögu að breytingum á aðalskipulagi Norðurþings 2010 -2030 vegna stækkunar sorpförgunarstaðarins norðan Kópaskers og tillögu að deiliskipulagi sama svæðis skv. ákvæðum skipulagslaga, í Skjálftasetri miðvikudaginn 25. september kl. 20:00.
Skipulags- og matslýsing og drög að tillögu að aðalskipulagsbreytingu ásamt umhverfisskýrslu
Heildarathafnasvæði sorpförgunarsvæðisins verður leiðrétt úr 2,6 ha í 28 ha og það afmarkað á skipulagsuppdrætti. Gert er ráð fyrir að hluti sorpförgunarsvæðis verður notaður til urðunar, hluti fyrir byggingar og hluti sé óráðstafaður til síðari nota.
Kynnt verður skipulags- og matslýsing fyrir verkefnið skv. 1. mgr. 30 gr. skipulagslaga og 6. gr. laga um umhverfismat áætlana. Jafnframt er kynnt tillaga að breytingu á aðalskipulagi, ásamt umhverfisskýrslu skv. 2. mgr. 30. gr. skipulagslaga.
Deiliskipulag fyrir sorpförgunarstað ásamt umhverfisskýrslu
Deiliskipulagið er unnið vegna endurnýjunar á starfsleyfi urðunarstaðarins. Þar er gert ráð fyrir breyttu skipulagi innan urðunarsvæðisins þar sem urðunarsvæðinu sjálfu verður skipt í tvennt. Svæði 1 afmarkast af flugbraut og er 4,6 ha að stærð, svæði 2 er utan flugbrautar og er tæpir 5 ha að stærð. Samtals verður urðunarsvæðið sjálft 9,6 ha. Áfram er gert ráð fyrir urðun á allt að 500 tonnum af úrgangi á ári en nýtingu á svæðinu til næstu 30 ára.
Kynnt verður tillaga að deiliskipulagi skv. 4. mgr. 40 gr. skipulagslaga. Skipulagslýsing fyrir verkefnið hefur þegar verið kynnt skv. 1. mgr. 40. gr. skipulagslaga.
Gaukur Hjartarson
Skipulags- og byggingarfulltrúi Norðurþings