Innkoma listamanna í fámenn samfélög

Málþing verður haldið á Hótel Norðurljósum, Raufarhöfn 28. nóvember n.k. kl. 17.00.  Hvaða tækifæri felast í því að listamenn kaupa upp yfirgefin hús, í litlum bæjarfélögum? Hvernig er hægt að nýta sér nærveru þeirra, bæjarfélaginu til framdráttar? 

Þessum spurningum og fleiri verður velt upp á málþinginu.

Ræðumenn:  

• Katrín Jakobsdóttir, menntamálaráðherra
• Bergur Elías Ágústsson, sveitarstjóri Norðurþings
• Kolbrún Halldórsdóttir, forseti Bandalags ísl. listamanna
• Ásdís Thoroddsen, kvikmyndagerðarmaður
• Snorri Freyr Hilmarsson, leiksviðshönnuður
• Ragnheiður Jóna Ingimarsdóttir, menningarfulltrúi
• Þórunn Eymundardóttir, myndlistarmaður

Öllum er heimil þátttaka. 

Málþingið er dagskrárliður Menningardaga á Raufarhöfn og er styrkt af Menningarsjóði Eyþings.