Mikilvægi Kísiliðjunnar
Eins og fram hefur komið mun starfsemi Kísiliðjunnar leggjast af um næstu
áramót með alvarlegum afleiðingum fyrir byggð í Þingeyjarsýslu. Vonir eru þó bundnar við að kílsiduftverksmiðja muni
leysa hana af hólmi.
Þrándur í Götu
Eins og fram hefur komið mun starfsemi Kísiliðjunnar leggjast af um næstu áramót með alvarlegum afleiðingum fyrir byggð í
Þingeyjarsýslu. Vonir eru þó bundnar við að kísilduftverksmiðja muni leysa hana af hólmi, en bæði er að sú starfsemi hefst
væntanlega ekki fyrr en 2006 og verður, a.m.k. fyrst í stað umfangsminni en sú starfsemi sem rekin er í dag.
Til að varpa ljósi á beinar afleiðingar rekstrarstöðvunarinnar á rekstur Húsavíkurbæjar og Húsavíkurhafnar má nefna
eftirfarandi tölulegar staðreyndir sem byggja á ársreikningum 2003: Kísilgúrútflutningur um höfnina var 27.283 tonn eða 70% af
útskipuðu vörumagni og 43% af heildarvörumagni sem um höfnina fór. Vörugjöld af útflutningnum námu 3,8 millj. eða tæpum 40% af
vörugjaldatekjum hafnarinnar og 10,5% af heildartekjum hennar. Þá hefur Húsavíkurbær tekjur af framleiðslugjaldi sem nam á síðasta
ári tæpum 13 millj. sem svarar til um 2,5% af skatttekjum sveitarfélagsins.
Auk þessara beinu áhrifa á rekstrartekjur sveitarfélagsins mun sölustarfsemi á vegum World Minerals Íslands, sem selt hefur afurðir
verksmiðjunnar, leggjast af. Hjá félaginu starfa í dag þrír starfsemnn í tveimur stöðugildum. Þá er starfsemi
Kísiliðjunnar mikilvæg stoð í rekstri Skipaafgreiðslu Húsavíkur og má rekja 3 af 11 störfum í fyrirtækinu og um 30% tekna
þess beint til starfseminnar. Þessu til viðbótar eru svo óbein áhrif sem m.a. liggja hjá ýmsum öðrum
þjónustufyrirtækjum. Stærsta ógnin kann þó að liggja í áhrifunum á stöðu Húsavíkurhafnar sem
vöruflutningahafnar, dragist flutningar eins mikið saman og útlit er fyrir nú.