Reglur íþróttamannvirkja vegna covid-19

Miðvikudaginn 18.nóvember tóku í gildi nýjar reglur varðandi takmarkanir á skólastarfi og annarri starfsemi barna og ungmenna.

Helstu breytingar frá fyrri reglugerð eru eftirfarandi:

• Börn í 5. – 7. bekk grunnskóla verða undanþegin grímuskyldu og 2 metra nálægðartakmörkunum, líkt og yngri börn í grunnskóla og leikskólabörn. Grímuskylda kennara gagnvart þessum börnum verður einnig afnumin. Grímuskylda og nálægðartakmörkun eiga því við milli starfsfólks í leik- og grunnskólum, milli starfsfólks og nemenda í 8.–10. bekk og milli nemenda í 8.–10. bekk.

 

• Áfram gildir sú regla að ekki mega vera fleiri en 50 nemendur í sama rými í leikskóla og í 1.-4. bekk grunnskóla og ekki fleiri en 25 nemendur í sama rými í 5.-10. bekk grunnskóla.

 

• Engar kröfur verða gerðar á útisvæðum leik- og grunnskóla sem hindra blöndun hópa, fjöldatakmarkanir, nálægðartakmarkanir eða grímunotkun.

 

• Íþrótta- og sundkennsla í grunnskólum er heimil með sömu takmörkunum og gilda fyrir annað skólastarf innanhúss að frátalinni grímuskyldu á unglingastigi.  Fjöldatakmarkanir eru þær sömu og í skólastarfinu (25/50)en ekki þarf að viðhalda sömu hópaskiptingu.

 

• Halda skal sömu hópaskiptingu nemenda í grunnskólastarfi, í félagsmiðstöðvum og á frístundaheimilum þannig að ekki verði blöndun milli nemendahópa.

 

• Skipulagt íþrótta-, æskulýðs- og tómstundastarf barna á leikskólaaldri er heimilt þó að hámarki 50 börn saman. Ekki þarf að halda sömu hópaskiptingu og er í leikskólastarfi.

 

• Skipulagt íþrótta-, æskulýðs- og tómstundastarf barna á grunnskólaaldri er heimilt, þ.e. að hámarki 50 börn í 1.–4. bekk og að hámarki 25 í 5.–10. bekk. Ekki þarf að halda sömu hópaskiptingu og er í grunnskólastarfi.

 

• Ekki er gerð breyting á greininni um tónlistarskólann í nýrri reglugerð. Þar gildir því áfram 10 manna hámarksfjöldi í rými, 2ja metra nálægðartakmörkun milli nemenda innbyrðis og nemenda og kennara og grímuskylda þar sem við verður komið. Viðhalda þarf sömu hópaskiptingu og í skólastarfi.

 

Reglur íþróttamannvirkja Norðurþings á meðan þessu stendur taka mið af almennum takmörkunum yfirvalda og eru eftirfarandi:

-          Notkun og umferð um búningsklefar skal haldið í lámarki og ef mögulegt er skulu iðkendur koma klæddir.

-          Öll óþarfa umferð um íþróttamannvirki er óheimil

 

Sundlaugar sveitarfélagsins, líkamsræktarsalir og íþróttamannvirki verða því áfram lokuð almenningi þangað til annað verður ákveðið.

Nýjustu reglugerðina í heild sinni má lesa hér

Nauðsynlegt er að hafa fyrri reglugerð til hliðsjónar en hana má lesa hér.