Skólastjóri Tónlistarskóla Húsavíkur - starf laust til umsóknar

Fullt starf skólastjóra Tónlistarskóla Húsavíkur er laust til umsóknar. Kennsluhlutfall er samkvæmt kjarasamningi.
Leitað er að stjórnanda sem hefur metnað og býr yfir hæfni til að skipuleggja krefjandi og framsækið skólastarf í samvinnu við starfsfólk, foreldra og nemendur. Leitað er eftir stjórnanda sem hefur sterka sýn á faglega þróun innra starfs skólans. Jafnframt að styrkja stöðu skólans í nærumhverfinu með markvissu samstarfi við aðrar mennta- og menningarstofnanir.

Tónlistarskóli Húsavíkur hefur verið starfræktur frá árinu 1961. Skólinn hefur aðsetur í Borgarhólsskóla og er samstarf skólanna tveggja umtalsvert. Frá árinu 1992 hefur verið í gangi samstarfsverkefni Tónlistarskólans, Borgarhólsskóla og leikskólans Grænuvalla sem hefur það að markmiði að bjóða öllum skólabörnum upp á markvissa og fjölbreytta tónlistarkennslu. Tónlistarskóli Húsavíkur er með útibú í Öxarfjarðarskóla þar sem nemendur Öxarfjarðarskóla og Grunnskóla Raufarhafnar fá tónlistarkennslu. Auk þessa býður tónlistarskólinn nemendum í Framhaldsskóla Húsavíkur upp á fjölbreytt tónlistarnám til eininga og tónlistarsérhæfingu á opinni stúdentsbraut. Uppeldishlutverk Tónlistarskólans er því mikið. Stöðugildi við skólann eru 7,5 og nemendur um 160.

Menntunar- og hæfniskröfur
• Tónlistarkennaramenntun eða haldgóð tónlistarmenntun sem nýtist í starfi
• Reynsla af stjórnun og/eða faglegri forystu á sviði kennslu og þróunar í skólum
• Forystuhæfileikar, mikil samskiptahæfni og góðir skipulagshæfileikar
• Kennslureynsla í tónlistarskóla
• Framhaldsmenntun á sviði tónlistar, stjórnunar eða sambærilegra greina æskileg
• Góð tölvukunnátta, þekking á skráningarkerfinu School Archive er kostur
• Mjög gott vald á íslensku og ensku

Umsóknarfrestur er til og með 25. mars 2022.
Umsóknum skal skila á rafrænu formi til fræðslufulltrúa Norðurþings á netfangið jon@nordurthing.is

Nánari upplýsingar eru veittar á skrifstofu Norðurþings að Ketilsbraut 7-9 á Húsavík í síma 464 6100 eða með fyrirspurnum á netfangið nordurthing@nordurthing.is