Skólatónleikar á Íslandi -Tónlist fyrir alla heimsækja Austur og Norðausturland
Björn Thoroddsen og Skuggamyndir frá Býsans munu ferðast á milli grunnskóla og leika fyrir nemendur.
Fyrri tónleikaröðin hófst með tónleikum Björns Thoroddsen í Fellaskóla að morgni 16. september en þaðan var haldið á Seyðisfjörð og Borgarfjörð eystri. Samtals spilar Björn 11 tónleika fyrir 527 grunnskólanemendur en síðstu tónleikarnir á föstudag eru í grunnskóla Skútustaðahrepps.
Tónlist fyrir alla leitast við að bjóða upp á vandaða skólatónleika fyrir börn þar sem skemmtun og menntun haldast í hendur. Við bjóðum upp á fjölbreytta tónlist í hæsta gæðaflokki í flutningi atvinnutónlistarfólks. Upplifun barnanna af tónleikunum er lykilatriði og áhersla er lögð á að hún verði sem allra best.
Hér er því ströng og skemmtileg tónleikadagskrá framundan og vonandi að hver einasti nemandi fái notið.
Björn Thoroddsen heldur einnig tónleika í Félagsheimilinu Fjarðarborg, Borgarfirði eystri þriðjudagskvöldið 16.
september kl 20:00 og í Safnahúsinu Húsavík fimmtudaginn 18. september kl 20:00.
Björn Thoroddsen gítarleikari hefur síðastliðin 30 ár verið einn af atkvæðamestu tónlistarmönnum Íslands og hefur hlotið
ýmsar viðurkenningar á ferli sínum.