Tillaga að breytingu deiliskipulags fiskeldisstöðvar Rifóss að Lóni í Kelduhverfi

Sveitarstjórn Norðurþings, að tillögu skipulags- og framkvæmdaráðs, samþykkti á fundi sínum þann 18. ágúst 2022 að kynna tillögu að breytingu deiliskipulags fiskeldisstöðvar Rifóss við Lón í Kelduhverfi skv. 1 mgr. 43 gr. skipulagslaga nr. 123/2010. Breytingartillagan felst í því að byggingarreitur C stækkar með möguleika á nýrri byggingu innan hans. Bætt verður við nýjum byggingarreit H í suðvestur horni lóðarinnar þar sem heimilt verður að byggja allt að 5 starfsmannahús. Innan byggingarreits F breytast skilmálar um vegghæð, mænishæð og hámark byggingarmagns eykst um 200 m². Breytingartillagan ásamt greinargerð er sett fram á einu blaði í blaðstærð A3.

Breytingartillaga þessi er nú til kynningar á heimasíðu Norðurþings (www.nordurthing.is) auk þess sem að hún hangir uppi á skrifstofum Norðurþings á Húsavík og Kópaskeri. Kynningartími skipulagsins er 22. september til 3. nóvember 2022. Þeim sem kynnu að hafa ábendingar eða athugasemdir við breytingartillöguna er bent á að koma þeim á framfæri við Norðurþing fyrir 3. nóvember 2022. Tekið verður á móti skriflegum ábendingum á skrifstofu Norðurþings að Ketilsbraut 7-9, Húsavík eða í tölvupósti á nordurthing@nordurthing.is

Hér má skoða breytingu á deiliskipulagi

Húsavík, 19. september 2022
Gaukur Hjartarson
Skipulags- og byggingarfulltrúi Norðurþings