Tillaga að breytingu deiliskipulags norðurhafnarsvæðis á Húsavík

Tillaga að breytingu deiliskipulags norðurhafnarsvæðis á Húsavík

 

Sveitarstjórn Norðurþings auglýsir hér með til almennrar kynningar breytingu á deiliskipulagi norðurhafnarsvæðis á Húsavík.  Breytingar felast í því að skilgreind er ný lóð, Naustagarður 6, og skilgreindur þar byggingarréttur.  Lóðin er 1.184 m² að flatarmáli.   Gert er ráð fyrir að byggja megi á lóðinni hús með mænisstefnu þvert á þau sem fyrir eru við götuna.  Hús á lóðinni skal vera ein eða tvær hæðir, hámarksmænishæð er 8 m, þakhalli skal vera á bilinu 10-30°og heimilt að gera kvisti á þaki til beggja átta.  Hæsta leyfilega nýtingarhlutfall lóðarinnar er 0,6.  Skipulagstillagan skilgreinir einnig möguleika á gerð viðlegukannts norðan lóðarinnar.  Aðkoma að honum yrði um stíg milli Naustagarðs 4 og 6.

 

Breytingartillagan verður til sýnis á bæjarskrifstofu Norðurþings að Ketilsbraut 7-9 á Húsavík frá 14. nóvember til 27. desember 2016.  Ennfremur verður hægt að skoða breytingartillöguna á heimasíðu Norðurþings (nordurthing.is).  Þeim sem eiga hagsmuna að gæta er gefinn kostur á að gera athugasemdir við tillöguna til þriðjudagsins 27. desember 2016.  Skila skal skriflegum athugasemdum til bæjarskrifstofu Norðurþings að Ketilsbraut 7-9 á Húsavík.  Þeir sem ekki gera athugasemdir við tillöguna teljast henni samþykkir.

 

Húsavík 8. nóvember 2016

Gaukur Hjartarson

Skipulags- og byggingarfulltrúi