Tillaga að deiliskipulagi lóðarinnar Útgarðs 4
Sveitarstjórn Norðurþings hefur ákveðið að auglýsa til almennrar kynningar tillögu að deiliskipulagi lóðarinnar Útgarðs 4 á Húsavík. Lóðin afmarkast af Auðbrekku, Pálsgarði og Útgarði í austri, suðri og norðri. Vesturmörk lóðarinnar liggja um miðjan götureit sem afmarkast af ofangreindum götum og Ketilsbraut. Lóðin er um 3.800 m2 að flatarmáli.
Skipulagstillagan gerir ráð fyrir 28 þjónustuíbúðum í allt að 5 hæða húsum innan lóðarinnar. Heimilað nýtingarhlutfall lóðarinnar verði 1,0 fyrir utan niðurgrafna bílgeymslu.
Skipulagstillagan verður til sýnis á sveitarstjórnarskrifstofu Norðurþings, Húsavík, frá 11. október til 8. nóvember 2007. Þeim sem eiga hagsmuna að gæta er gefinn kostur á að gera athugasemdir við tillöguna til og með fimmtudagsins 22. nóvember 2007. Skila skal skriflegum athugasemdum til sveitasrstjórnarskrifstofu Norðurþings að Ketilsbraut 7-9 á Húsavík. Þeir sem ekki gera athugasemdir við tillöguna teljast henni samþykkir.