Byggðarráð Norðurþings

Boðað er til ársfundar Samtaka sveitarfélaga á köldum svæðum föstudaginn 6. október kl. 12:15.

Borist hefur bréf frá LH lögmönnum fyrir hönd Landsnets þar sem tilkynnt er um fullnaðar- og lokagreiðslu af hálfu Landsnets vegna samninga um uppgjör bóta vegna Þeistareykjalínu 1 við landeigendur Húsavíkurlands.

Fyrir byggðarráði liggur bréf frá Sambandi íslenskra sveitarfélaga þar sem fjallað er um fullnaðaruppgjör á lífeyrisskuldbindingum hjúkrunarheimila sem starfrækt eru á ábyrgð sveitarfélaga. Í bréfinu er óskað eftir að sveitarfélagið láti vita hyggist það ganga frá samkomulagi á grundvelli bréfsins og að í því tilfelli liggi fyrir formlegt umboð framkvæmdastjóra sveitarfélagsins til að skrifa undir samkomulagið.

Á fundinn koma sviðsstjórar málaflokka og sjóða og fara yfir fyrstu drög að fjárhagsáætlunum fyrir árið 2018 og stöðu sinna málaflokka.