Fjárhagsáætlun Norðurþings 2018

Drífa Valdimarsdóttir, fjármálastjóri fór yfir skipulag fjárhagsáætlunargerðar fyrir árið 2018.

Lagt fram til kynningar og umræðu.

Umræða um forsendur fjárhagsáætlunar ársins 2018.

Byggðarráð samþykkir framlagðar forsendur fyrir tekjuáætlun, fjárhagsáætlun 2018 og þriggja ára áætlun.

Lagt fram til kynningar og umræðu.

Byggðarráð samþykkir fyrirliggjandi ramma fyrir fjárhagsáætlun árið 2018 og vísar þeim til nefnda til úrvinnslu.

Forsendur fjárhagsáætlunar næsta árs ræddar.

Byggðarráð þakkar sviðsstjórum fyrir kynningarnar.

Félagsmálanefnd vísar áætluninni til umræðu í byggðaráði.

Lagt fram til kynningar og umræðu.

Byggðarráð fór yfir gögn fyrir fyrri umræðu fjárhagsáætlunar 2018, þ.e. tekjuáætlun og heildaryfirlit fjárhagsáætlunar. Þá var fjallað um fjárfestingar komandi árs og farið yfir áætlanir fyrir málaflokka sem tilheyra byggðarráði í fjárhagsáætlun 2018, þ.e. sameiginlegan kostnað, atvinnumál og brunamál. Stefnt er að því að afgreiða fjárhagsáætlun úr byggðarráði á fundi mánudaginn 30. október kl. 12:00 til fyrri umræðu í sveitarstjórn þann 31. október.

Byggðarráð samþykkir að visa fjárhagsáætlun Norðurþings fyrir árið 2018 og þriggja ára áætlun fyrir árin 2019-2021 til fyrri umræðu í sveitarstjórn Norðurþings.

Til máls tóku: Kristján, Óli, Hjálmar og Soffía.

Sveitarstjórn samþykkir samhljóða að vísa fjárhagsáætlun 2018 til síðari umræðu.

Byggðarráð ræddi fjárhagsáætlunarvinnu.

Félagsmálanefnd vísar fjárhagsáætlun félagsþjónustu til afgreiðslu sveitarstjórnar.

Byggðarráð fellst á bókun fræðslunefndar um hækkun á ramma frá fyrri umræðu sem nemur 52 mkr, skv. þeirra beiðni.
Byggðarráð fellst á að taka niður ramma til atvinnumála sem nemur kostnaði við atvinnufulltrúa vegna uppbyggingar stóriðju, en fjármunum veitt til atvinnumála á Raufarhöfn.
Byggðarráð fellst á að hækka ramma til brunamála um rúmar 3,5 kr frá útgefnum ramma, sem og hækkun á ramma þriggja ára áætlunar til samræmis við að ný slökkvistöð komist í gagnið á árinu 2018.
Byggðarráð hvetur til þess að unnið verði að því að sameina búseturéttaríbúðir Dvalarheimilis Hvamms og íbúðir við Útgarð 4 þannig að rekstri íbúðanna verði t.a.m. komið á form húsnæðissjálfseignarstofnunar. Lagt er því til að félagið verði selt á árinu með þetta að leiðarljósi.
Byggðarráð telur mikilvægt að vinna út frá þeirri forsendu að ekki verði ráðist í slíkar fjárfestingar að skuldaviðmið sveitarfélagsins fari ekki yfir heimilt hlutfall skv. lögum, þ.e. 150%. Unnið verði sömuleiðis út frá þessari forsendu fyrir þriggja ára áætlun.

Byggðarráð samþykkir að vísa fyrirliggjandi fjárhagsáætlun fyrir árið 2018 til síðari umræðu í sveitarstjórn að teknu tilliti til þeirra breytinga sem ræddar voru á fundinum.

Til máls tóku: Kristján, Óli, Gunnlaugur,


Gunnlaugur og Soffía leggja fram eftirfarandi bókun:
Fjárhagsáætlun fyrir árið 2018 sýnir að uppbygging í iðnaði, ferðaþjónustu og öðrum atvinnugreinum er að skila sér í batnandi rekstri sveitarfélagsins. Ársreikningar og áætlanir sveitarfélagins bera þess glöggt vitni. Tekjur samstæðu sveitarfélagsins hafa aukist mikið. Vonandi mun sú þróun halda áfram og íbúum í sveitarfélaginu fjölga.
Ljóst er að þær áætlanir sem lagðar voru til grundvallar atvinnuuppbyggingar í héraðinu eru að ganga eftir. Það er gríðarlega mikilvægt að huga að frekari uppbyggingu atvinnulífs til að tryggja áframhaldandi vöxt. Jafnframt að þær fjárfestingar sem farið hefur verið í nýtist vel til að efla rekstur sveitarfélagsins til lengri tíma.
Rekstrarumhverfi sveitarfélagsins hefur verið er hagstætt; auknar útsvarstekjur, hækkun á fasteignaverði, lág verðbólga og aukin framlög úr Jöfnunarsjóði sveitarfélaga.
Tekjurnar eru að aukast vegna vaxandi umsvifa í efnahagslífinu. Við höfum verið þeirrar skoðunar að sveitarfélagið haldi frekar að sér höndum, gæti aðhalds og sýni aga og ráðdeild í rekstri á þenslutímum. Þegar dregur úr þensluáhrifum er mikilvægt að sveitarfélagið hafi burði til að fara í nauðsynlegar viðhalds- og uppbyggingarframkvæmdir.
Gunnlaugur Stefansson
Soffía Helgadóttir

Fjárhagsáætlun 2018 samþykkt með atkvæðum Örlygs, Óla, Olgu, Stefáns, Sifjar, Jónasar, Kjartans og Gunnlaugs. Soffía situr hjá.

Fjárhagsáætlun 2019-2021 samþykkt með atkvæðum Örlygs, Óla, Olgu, Stefáns, Sifjar, Jónasar, Kjartans og Gunnlaugs. Soffía situr hjá.