Byggðarráð Norðurþings

Boðað er til aðalfundar Eyþings 10. og 11. nóvember n.k.

Stjórn Atvinnuþróunarfélags Þingeyinga hefur samþykkt rekstraráætlun fyrir árið 2018 og felur áætlunin m.a. í sér tillögu að framlögum sveitarfélaganna til félagsins sem gerð er grein fyrir í áætluninni. Óskað er eftir að tilkynnt verði um afgreiðslu þegar hún liggur fyrir.

Stjórn EBÍ hefur ákveðið að greiddar verði út 50 milljónir til aðildarsveitarfélaganna fyrir árið 2017. Hlutur Norðurþings er 2,335% og verður því 1.167.500 krónur.

Stígamót óska eftir samstarfi um rekstur samtakanna og skora á sveitarstjórnarfólk að forgangsraða í þágu velferðar íbúanna og taka þátt í starfinu með samtökunum.

Vegna aukinnar aðsóknar í Kvennaathvarfið hefur þurft að fjölga starfsfólki og reynt að auka fjölbreytni í þjónustu nokkuð, t.d. hefur verið ráðinn lögfræðingur í hlutastarf til að aðstoða konur við að ráða fram úr málum sínum. Í ljósi þessa er farið fram á að Kvennaathvarfinu verði veittur rekstrarstyrkur fyrir komandi starfsár að fjárhæð 150.000 krónur.

Samtök ferðaþjónustunnar vekja athygli á auknum álögum á bílaleigur frá og með næstu áramótum en þá fara bílaleigubílar í efsta þrep vörugjalda.

Fyrir byggðarráði liggur fundargerð 300. fundar Eyþings.

Fyrir byggðarráði liggur fundargerð 853. fundar stjórnar Sambands íslenskra sveitarfélaga.

Fyrir byggðarráði liggur skýrsla númer 2 um verkefnið Norðurstrandarleið.

Fjármálastjóri fer yfir stöðu fjárhagsáætlunar og vinnuna framundan. Á fundinn koma sviðsstjórar fræðslumála og framkvæmda.