Byggðarráð Norðurþings

Samgöngu- og sveitarstjórnarráðuneytið hefur tekið saman yfirlit yfir lögmælt verkefni sveitarfélaga, skv. 1. mrg. 7. gr. sveitarstjórnarlaga, nr. 138/2011. Yfirlitinu er ætlað til leiðbeiningar fyrir sveitarfélög við stefnumótun og áætlanagerð ásamt því að auðvelda umræðu og yfirsýn yfir skyldur og hlutverk sveitarfélaga.

Norðurþing og PCC Bakkisilicon gerðu með sér samkomulag um kaup á slökkvibifreið fyrir slökkvilið Norðurþings, sem unnið hefur verið að uppsetningu á í Póllandi. Bifreiðin er um það bil að verða klár og er áætlað að hún verði komin til Húsavíkur innan fjögurra vikna. Fulltrúar frá slökkviliðinu munu fara utan og taka bifreiðina út og fylgja henni til landsins.

Fyrir byggðarráði liggja drög að vinnuáætlun fyrir tímabilið september 2018 - júní 2019 þar sem koma fram helstu mál sem eru til afgreiðslu og umræðu í hverjum mánuði.

Fyrir byggðarráði liggur fundargerð 309. fundar stjórnar Eyþings.

Nýverið tilkynnti Vátryggingarfélag Íslands (VÍS) breytingar á starfsemi félagsins sem snertir m.a. þjónustustöð fyrirtækisins á Húsavík. Hefur henni verið lokað nú þegar og sameinuð þjónustuskrifstofu VÍS á Akureyri. Enn starfa þó þrír starfsmenn félagsins á Húsavík og sinna öðrum störfum en beinum tengslum við viðskiptavini fyrirtækisins. Á fundinn koma Þorvaldur Þorsteinsson og Ingvi Hrafn Ingvason viðskiptastjórar hjá VÍS á Akureyri.

Til fundar við byggðarráð kemur Jökull Gunnarsson nýráðinn forstjóri PCC BakkiSilicon hf. og fer yfir stöðu mála er snýr að rekstri verksmiðju PCC á Bakka; núverandi stöðu, framtíðarhorfur o.fl.

Á fund byggðarráðs mæta sviðstjórar málaflokka og fara yfir stöðuna á vinnu fjárhagsáætlunar sinna sviða.