Fjárhagsáætlun Norðurþings 2019

Lagt fram til kynningar.

Byggðarráð fór yfir forsendur fjárhagsáætlunar og drög að tekjuáætlun ársins 2019 og þriggja ára áætlunar 2020-2022.

Fjármálstjóri sveitarfélagsins kynnti fyrstu forsendur til umræðu við gerð fjárhagsáætlunar fyrir árið 2019 og þriggja ára áætlunar.

Forsendur tekjuáætlunar og fjárhagsrammar voru ræddar. Stefnt að ákvörðun um úthlutun fjárhagsramma á næsta fundi byggðarráðs.

Byggðarráð samþykkir að vísa framlögðum römmum til frekari úrvinnslu í nefndum sveitarfélagsins.

Fjárhagsrammar fyrir fjölskyldusvið lagðir fram til kynningar og umræðu.

Tillaga skipulags- og byggingarfulltrúa rædd.

Bergur Elias Ágústsson vék af fundi kl. 10:45.

Jón Höskuldsson, fræðslufulltrúi og Kjartan Páll Þórarinsson tómstunda- og æskulýðsfulltrúi komu á fundinn og fóru yfir stöðu vinnunnar við gerð fjárhagsáætlunar sinna málaflokka.

Benóný Valur Jakobsson vék af fundi kl. 10:55.

Byggðarráð fór yfir málaflokkana atvinnumál, sameiginlegur kostnaður og brunamál og almannavarnir.

Byggðarráð þakkar sviðsstjórum fyrir kynningarnar.

Guðbjartur Ellert Jónsson kom aftur inn á fund í síma kl. 10:20.
Silja Jóhannesdóttir fór af fundi kl. 10:30.

Byggðarráð þakkar sviðsstjórum fyrir kynningarnar.

Byggðarráð þakkar sviðsstjórum fyrir kynningarnar. Haldið verður áfram vinnu við fjárhagsáætlun á næsta fundi byggðarráðs.

Farið var yfir forsendur fjárhagsáætlunar og fyrstu drög að henni.

Byggðarráð vísar fjárhagsáætlun Norðurþings fyrir árið 2019 ásamt þriggja ára áætlun fyrir árin 2020-2022 til fyrri umræðu í sveitarstjórn Norðurþings.

Til máls tóku: Óli og Kristján.

Sveitarstjórn samþykkir samhljóða að vísa fjárhagsáætlun 2019 og þriggja ára áætlun til síðari umræðu.

Þórir Örn Gunnarsson hafnastjóri kom á fundinn og fór yfir áætlun hafnasjóðs Norðurþings. Byggðarráð þakkar honum yfirferðina. Fjármálastjóri fór yfir breytingar á forsendum og uppfærða tekjuáætlun.

Lagt fram til kynningar.

Fjármálastjóri fór yfir stöðu mála og fór yfir forsendur fjárhagsáætlunar 2019 og þriggja ára áætlunar 2020 - 2022. Ítarlegri umræða um áætlunina verður tekin á næsta fundi byggðarráðs.

Lagt fram til kynningar.

Guðbjartur Ellert Jónsson leggur fram eftirfarandi tillögu:
Fulltrúi E lista leggur til að fjárfestingar á árinu 2019 breytist fyrir A hluta þannig að í stað þess að vera 580,5 milljónir verði þær 300 mkr. og til viðbótar verði 80 mkr ráðstafað til lækkunar á fasteignaskatti.


Tillaga Guðbjarts verður tekin til umræðu og afgreiðslu á næsta fundi byggðarráðs.

Fjárhagsáætlun er vísað til frekari umræðu og afgreiðslu á næsta fundi byggðarráðs.

Guðbjartur Ellert Jónsson vék af fundi kl. 11:08.

Byggðarráð vísar fjárhagsáætlun ársins 2019 og þriggja ára áætlun 2020-2022 til síðari umræðu í sveitarstjórn í samræmi við framlögð drög númer 10 með þeirri breytingu sem ákvörðun um álagningu gjalda felur í sér.

Til máls tóku: Kristján, Kolbrún Ada, Guðbjartur, Hjálmar, Bergur , Örlygur og Silja.

Minnihlutinn leggur fram eftirfarandi bókun:
Í fjárhagsætlun ársins 2019 og þriggja ára áætlun 2020 til 2022 sem liggur fyrir sveitarstjórn Norðurþings til afgreiðslu kemur fram veruleg þensla í rekstri sveitarfélagsins. Tekjustofnar einir og sér standa ekki undir markmiðum meirihlutans og því þarf að reiða á lántökur með aukinni skuldasöfnun. Útsvarstekjur duga ekki fyrir launum og framlegðarhlutfall fer minnkandi á næstu árum. Ef forsendur tekna, vaxta og verðbólgu ganga ekki eftir er ljóst að allt önnur sviðsmynd birtist.

Sambland af þenslu útgjalda, óhóflegum fjárfestingum og framúrkeyrslum er eitruð blanda sem þrýstir á frekari tryggingu tekjustofna. Það þýðir að öllu óbreyttu þarf að sækja fjármagn í auknum mæli til íbúa og lögaðila samfélagsins með hækkun skatta og þjónustugjalda.

Það er miður að meirihlutinn hafi það ekki sem markmið að draga með skipulögðum hætti úr álögum eftir góð tekjuár vegna uppbyggingu orkufreks iðnaðar á Bakka. Það eru því vonbrigði að enn skuli viðhaldið hækkunum álaga á samfélagið. Jafnframt ber þess vott að fjárhagsáæltun Norðurþings 2019 sé síður en svo fjölskylduvæn.

Stefna meirihlutans sem kemur fram í fyrirliggjandi fjárhagsáætlunum felur í sér fyrirsjáanlegar íþyngjandi álögur á samfélagið. Jafnframt kemur fram í kennitölum rekstrar að fjárþörf tímabilsins sé rúmar eittþúsund sjöhundruð þrjátíu og fimm milljónir króna. Gangi þetta eftir er ljóst að sveitarfélagið mun þurfa að draga úr þjónustu við íbúa sveitarfélagsins þegar fram líða stundir. Þetta er verulegt áhyggjuefni.

Af framangreindu er ljóst að minnihluti sveitarstjórnar Norðurþings getur ekki samþykkt framlagðar fjárhagsáætlanir.

Virðingafyllst
Bergur Elías Ágústsson
Guðbjartur Ellert Jónsson
Hjálmar Bogi Hafliðason
Hrund Ásgeirsdóttir


Meirihlutinn leggur fram eftirfarandi bókun:
Fjárhagsáætlun Norðurþings hófst að forminu til strax að afloknum kosningum. Unnið hefur verið með hliðsjón af viðmiðum Sambands íslenskra sveitarfélaga um gerð og framkvæmd fjárhagsáætlunar. Í fjárhagsáætluninni kemur fram að A-hluti sveitarsjóðs verði rekinn með rúmlega 88 milljóna króna rekstrarafgangi og þá verði samstæða Norðurþings rekin með tæplega 142 milljón króna afgangi á næsta ári, ef að líkum lætur.
Tekjuáætlun fyrir árið 2019 er að mati meirihluta Norðurþings varfærin í ljósi þess að ekki er fullséð hvernig íbúaþróunin verður á næsta ári og mikil óvissa ríkir um kjarasamningaviðræður. Í áætlunini er ekki gert ráð fyrir nema 1,5% hækkun útsvars miðað við útkomuspá ársins 2018. Einnig er tekið tillit til mikillar hækkunar fasteignamats svo það velti ekki beint yfir á beinar álögur á íbúa. Benda má á að hækkun fasteignamats hefur verið 72,3% í Norðurþingi frá árinu 2017, og enn hærri ef horft er eingöngu til markaðarins á Húsavík.
Áætlunin hefur verið unnin í góðri samvinnu kjörinna fulltrúa og nefndarfólks í nefndum og byggðarráði. Allt nefndarfólk hefur haft tækifæri og nægan tíma til að koma sjónarmiðum sínum og tillögum á framfæri. Vinna hefur verið markviss undir stjórn stjórnenda Norðurþings og lítill ágreiningur komið fram um einstaka þætti áætlunarinnar í nefndum og ráðum. Þetta ferli við áætlunarvinnuna hefur reynst vel, en þó má gera betur til samræmingar á vinnulagi ráðanna og með hvaða hætti t.a.m. tekjur og launaáætlanir eru unnar.
Undirrituð þakka starfsfólki sveitarfélagsins fyrir vandaða vinnu við gerð áætlunarinnar og fulltrúum allra stjórnmálaflokka fyrir gott samstarf síðastliðið hálft ár á meðan vinnslu fjárhagsáætlunar hefur staðið.

Heiðbjört Þóra Ólafsdóttir
Kolbrún Ada Gunnarsdóttir
Kristján Þór Magnússon
Silja Jóhannesdóttir
Örlygur Hnefill Örlygsson


Fjárhagsáætlun 2019 er samþykkt með atkvæðum Heiðbjartar, Kolbrúnar Ödu, Kristjáns, Silju og Örlygs.

Bergur, Hjálmar og Hrund sátu hjá.

Guðbjartur greiðir atkvæði á móti.


Þriggja ára áætlun 2020-2022 er samþykkt með atkvæðum Heiðbjartar, Kolbrúnar Ödu, Kristjáns, Silju og Örlygs.

Bergur, Hjálmar og Hrund sátu hjá.

Guðbjartur greiðir atkvæði á móti.

Fjölskylduráð fjallaði um útkomuspá á fjölskyldusviði fyrir fjárhagsáætlun 2019. Ráðið þakkar sviðstjórum fyrir kynninguna.

Leikskólastjóri og aðstoðarleikskólastjóri kynntu fyrirhugaða aðlögun á árinu 2020. Aðlögun verður þrisvar á næsta ári.

Stefna sveitarfélagsins er áfram sú að börn verði tekin inn í leikskólann um 12 mánaða aldurinn eins og hefur verið sl. ár.