Byggðarráð Norðurþings

Á fundi fjölskylduráðs þann 24. september s.l. var staða Lista- og menningarsjóðs Norðurþings til umfjöllunar.
Staða sjóðsins er neikvæð og hefur stofnfé sjóðsins verið skert umfram það sem skipulagsskrá sjóðsins segir til um.
Úthlutað hefur verið úr sjóðnum árlega eins og skipulagsskrá sjóðsins segir til um og fé áætlað í sjóðinn árlega.
Taka þarf ákvörðun um hvernig eigi að fara með úthlutun úr sjóðnum sem á að vera í september samkvæmt skipulagsskrá sjóðsins.

Einnig liggja fyrir nefndinni drög að endurskoðuðum reglum sjóðsins.

Á fundinum var bókað:
Fjölskylduráð beinir því til byggðarráðs að fjárhagsstaða lista og menningarsjóðs verði leiðrétt.
Fjölskylduráð samþykkir að fresta úthlutun úr sjóðnum þangað til að fjárhagstaða hans hefur verið leiðrétt.

Allsherjar- og menntamálanefnd Alþingis óskar eftir umsögn um frumvarp til laga um skráningu og mat fasteigna (ákvörðun matsverðs). Þess er óskað að undirrituð umsögn berist eigi síðar en 8. nóvember nk.

Allsherjar- og menntamálanefnd Alþingis óskar eftir umsögn um frumvarp til laga um breytingu á ýmsum lögum vegna afnáms um uppreist æru. Þess er óskað að undirrituð umsögn berist eigi síðar en 15. nóvember nk.

Atvinnuveganefnd Alþingis óskar eftir umsögn um tillögu til þingsályktunar um mótun eigendastefnu ríkisins með sérstöku tilliti til bújarða. Þess er óskað að undirrituð umsögn berist eigi síðar en 12. nóvember nk.

Fyrir byggðarráði liggur bréf Samgöngu- og sveitarstjórnarráðuneytisins ásamt nýrri reglugerð um Jöfnunarsjóð sveitarfélaga. Reglugerðin er nú í samráðsgátt stjórnvalda til umsagnar.

Fyrir byggðarráði liggja fundargerðir 312. og 313. funda stjórnar Eyþings.

Stígamót óska eftir samstarfi um rekstur samtakanna og skora á sveitarstjórnarfólk að forgangsraða í þágu velferðar íbúanna og taka þátt í starfinu með samtökunum. Samtökin óska eftir fjárstuðningi vegna reksturs 2019.

Fyrir byggðarráði liggur bréf frá Eyþingi dagsett 26. október ásamt samantekt á brýnustu áhersluverkefnum Eyþings 2018-2022 sem unnin er af Alta.
Í bréfinu er farið yfir samþykktir af 312. fundi stjórnar Eyþings þar sem samantektinni er vísað til sveitarfélaga og jafnframt óskað eftir því að sveitarfélögin á Eyþingssvæðinu taki til umræðu hvert eigi að vera framtíðarhlutverk landshlutasamtakanna og að hugmyndir sem fram koma verði lagðar fram til umræðu á fulltrúaráðsfundinum 23. nóvember n.k.

Fyrir byggðarráði liggur rekstraráætlun AÞ ses. ásamt skiptingu á framlögum aðildarsveitarfélaganna vegna rekstrarársins 2019.

Fyrir byggðarráði liggur boð Umhverfis- og auðlindaráðuneytisins á Umhverfisþing sem haldið verður föstudaginn 9. nóvember 2018.

Borist hefur fundarboð frá nefndasviði Alþingis á fund umhverfis- og samgöngunefndar þriðjudaginn 13. nóvember n.k. Til umfjöllunar er tillaga til þingsályktunar um fimm ára samgönguáætlun fyrir árin 2019 -2023, 172. mál https://www.althingi.is/altext/149/s/0173.html, og tillaga til þingsályktunar um samgönguáætlun fyrir árin 2019 - 2033, 173. mál https://www.althingi.is/altext/149/s/0174.html. Óskað er eftir staðfestingu á mætingu.

Charlotta Englund verkefnisstjóri kemur á fundinn og fer yfir stöðu mála.

Á fundi fjölskylduráðs Norðurþings þann 29. október s.l. var fjallað um fullveldishátíð í tilefni 100 ára afmælis fullveldis Íslands og leggur ráðið til að Norðurþing standi fyrir viðburði í tilefni 100 ára afmæli fullveldis Íslands.

Á fundinum var bókað:
Fjölskylduráð leggur til við byggðarráð að Norðurþing standi fyrir viðburði í tilefni af 100 ára afmæli fullveldis Íslands þann 1. des. nk. og tekið verði tillit til þeirra viðburða sem nú þegar kunna hafa verið skipulagðir.

Til umræðu eru drög að samkomulagi um fyrirkomulag skipulagsvinnu vegna mögulegrar fiskeldisstarfsemi á Kópaskeri á vegum Fiskeldis Austfjarða hf.

Á fundi stjórnar Orkuveitu Húsavíkur þann 13. september s.l. lagði Bergur Elías Ágústsson fram eftirfarandi tillögu:
Lagt er til að stjórn Orkuveita Húsavíkur ohf. vinni nýja stefnumótun fyrir OH ohf. til næstu fimm til tíu árin. Einnig er lagt til að samráðshópur með fulltrúum allra flokka í sveitarstjórn Norðurþings skipi fulltrúa í framangreinda vinnu ásamt stjórn félagsins. Tillögur samráðshópsins verið síðan bornar undir stjórn OH ohf. og eiganda hennar til samþykktar.

Greinargerð
Í framangreindir vinnu verði lögð áhersla eftirfarandi þætti;
Framtíðarsýn - hvert stefnir fyrirtækið.
Viðskipta- og Samkeppnisstefnu.
Rekstrarstefnu - fjármála sem og innra starf (starfsmanna- og öryggisstefnu)
Fjárfestingarstefnu - fyrir stærri fjárfestingarverkefni félagsins.

Eðlilegt er að endurgerð stefnu OH ehf sé að mörgu leyti byggð á þeirri stefnu sem samþykkt var af stjórn OH ehf og eiganda hennar. Ákaflega mikilvægt er að við þessa vinnu verði farið yfir eftirfylgni stjórnar á gildandi stefnu, sem takmarkar veigamiklar ákvarðannir stjórnar án samþykki eiganda félagsins, enda um opinbert hlutafélag að ræða og miklir fjárhagslega hagsmunir í húfi. Í þessu samhengi er mikilvægt, lærdómsins vegna, að draga fram hvort stjórn hafi farið eftir þeirri stefnu sem ákveðin var af eiganda félagsins. Sérstaka áherslu er vert að leggja á rekstrarstefnu (fjármál, starfsmannamál og öryggisstefnu) og hvort fjárfestingastefnu félagsins hafi verið fylgt eftir samkvæmt þeim leikreglum sem gildandi fjárfestingastefna kveður á um.

Á fundinum var bókað:
Stjórn Orkuveitu Húsavíkur felur framkvæmdastjóra að senda beiðni til byggðaráðs Norðurþings þar sem óskað er eftir að myndaður verði starfshópur um endurskoðun á stefnum Orkuveitu Húsavíkur ohf.

Bergur Elías Ágústsson óskar eftir því að eftirfarandi mál verði tekinn á dagskrá á næsta fundi byggðarráðs.

Málefni leigufélagsins Hvamms.

Óskað er eftir því að fyrir fundinn liggi útgönguspá fyrir árið 2018 og rekstraráætlun fyrir 2019 sem inniheldur rekstrarreikning, efnahagsreikning og sjóðsstreymisáætlun.

Guðbjartur Ellert Jónsson hefur lagt fram fyrirspurn um launakostnað stjórnenda í stjórnsýslu Norðurþings. Sæl
Ég óska eftir að eftirfarandi upplýsingar verði teknar saman og lagðar fyrir byggðaráð.

Þær upplýsingar sem óskað er eftir eru;

Launakostnaður stjórnenda stjórnsýslu Norðurþings. Um er að ræða fjármálastjóra, stjórnendur í fjölskylduráði þ.e. félagsmálastjóra, íþrótta og æskulýðsfullrúa og skólafulltrúa. Í framkvæmdaráði eru það skipulags- og byggingafulltrúi, framkvæmda- og þjónustufulltrúi ásamt Hafnastjóra. Að lokum er það garðyrkju- og umhverfisstjóri.

Laun og launakostnaður á mánuði ásamt samanteknum launakostnaðu síðustu 9 til 10 mánuði.

Bergur Elías Ágústsson hefur lagt fram fyrirspurn um vatnsrennibraut við sundlaug Húsavíkur

Óskað er eftir því að verksamningur vegna framkvæmdarinnar verði lagður fram og kostnaður sem þegar er áfallinn og áætlun um lok framkvæmda og heildar kostnað.

Þar sem rennibrautin er að mér skilst í gámum niður á bryggju er spurt um dagsetningu tollafgreiðslu og hvort einhver geymslugjöld séu til staðar frá því að brautin kom til landsins.

Ketill Gauti Árnason kemur á fundinn og gerir grein fyrir málinu.

Guðbjartur Ellert Jónsson hefur óskað eftir upplýsingum um samninga sveitarfélagsins vegna sölu á Höfða 24c sem er sameign Norðurþings og Leikfélags Húsavíkur og samning um kaup á iðnaðarbili í nýju skemmunni sunnan rækjunnar ásamt samningi um breytingu/innréttingu á þeirri eign.

Nánar tiltekið er óskað eftir:
1. Kynningu á sölusamningi vegna Höfða 24c. - hvernig stendur hann.
2. Kynning á kaupsamningi um nýja rýmið sunnan rækjunnar.
3. Hvert var kostnaðarmatið við innréttingu á nýja bilinu og í hver er raunkostnaðurinn.

Ketill Gauti Árnason kemur á fundinn og gerir grein fyrir málinu.

Fyrir byggðarráði liggur samningur milli Húsavíkurstofu og Norðurþings sem gerður er til tveggja ára. Samningurinn hefur það að leiðarljósi að Húsavíkurstofa vinni að því að Norðurþing sé eftisóttur áfangastaður allt árið um kring.

Áframhaldandi umræður um fjárhagsáætlun Norðurþings fyrir árið 2019 og þriggja ára áætlun 2020-2022.