Byggðarráð Norðurþings

Fyrir byggðarráði liggur endurnýjun á samningi við Menningarmiðstöð Þingeyinga um rekstur bókasafna í Norðurþingi til ársins 2021.

Velferðarnefnd Alþingis óskar eftir umsögn um tillögu til þingsályktunar um aðgerðaáætlun í húsnæðismálum, 5. mál. Óskað er eftir að umsögnin berist eigi síðar en 29. nóvember n.k.

Umhverfis- og samgöngunefnd Alþingis óskar eftir umsögn um tillögu til þingsályktunar um náttúrustofur, 29. mál. Óskað er eftir að umsögnin berist eigi síðar en 22. nóvember n.k.

Fyrir byggðarráði liggur fundargerð stjórnar Dvalarheimilis aldraðra á Húsavík frá 14. nóvember.

Fyrir byggðarráði liggur bréf reikningsskila- og upplýsinganefndar varðandi verklagsreglur um gerð viðauka við fjárhagsáætlun. Það eru sérstök tilmæli reikningsskila- og upplýsinganefndar að bréfið verði lagt fyrir sveitarstjórn til umræðu og yfiferðar á núverandi verkferlum sveitarfélagsins vegna gerð viðauka og reglubundins eftirlits með framgangi rekstrarins í samanburði við fjárhagsáætlun.

Fyrir byggðarráði liggur boð á Álaborgarleikana sem haldnir verða 30. júli til 4. ágúst 2019.

Fyrir byggðarráði liggur rekstraráætlun HNÞ bs. fyrir árið 2019 ásamt skiptingu framlaga sveitarfélaganna.

Fjármálastjóri fer yfir stöðuna á vinnu við fjárhagsáætlun 2019 og þriggja ára áætlunar 2020-2022.

Jón Höskuldsson fræðslufulltrúi kemur á fund byggðarráðs og fer yfir fjárhagsáætlun fræðslu- og uppeldismála.

Tryggvi Finnsson kemur á fund byggðarráðs og fer yfir málefni Skúlagarðs.

Fyrir byggðarráði liggur bréf frá Eyþingi dagsett 26. október ásamt samantekt á brýnustu áhersluverkefnum Eyþings 2018-2022 sem unnin er af Alta.
Í bréfinu er farið yfir samþykktir af 312. fundi stjórnar Eyþings þar sem samantektinni er vísað til sveitarfélaga og jafnframt óskað eftir því að sveitarfélögin á Eyþingssvæðinu taki til umræðu hvert eigi að vera framtíðarhlutverk landshlutasamtakanna og að hugmyndir sem fram koma verði lagðar fram til umræðu á fulltrúaráðsfundinum 23. nóvember n.k.

Framhald umræðu um fullveldishátíð í tilefni af 100 ára afmæli fullveldis Íslands.

Á fundi fjölskylduráðs Norðurþings þann 29. október s.l. var fjallað um fullveldishátíð í tilefni 100 ára afmælis fullveldis Íslands og leggur ráðið til að Norðurþing standi fyrir viðburði í tilefni 100 ára afmæli fullveldis Íslands.

Á fundinum var bókað:
Fjölskylduráð leggur til við byggðarráð að Norðurþing standi fyrir viðburði í tilefni af 100 ára afmæli fullveldis Íslands þann 1. des. nk. og tekið verði tillit til þeirra viðburða sem nú þegar kunna hafa verið skipulagðir.

Bergur Elías Ágústsson fulltrúi B lista og Guðbjartur Ellert Jónsson fulltrúi E lista leggja fram eftirfarandi tillögu er varðar málefni félags eldri borgara á Húsavík & nágrennis.


Tillaga:
Lagt er til að sveitarfélagið Norðurþing geri uppbyggingarsamning við félag eldriborgara á Húsavík & nágrennis sem nemur 5 milljónum króna á ári næsu fjögur árin. Jafnframt er lagt til að styrkurinn verið greiddur með tveimur jöfnum greiðslum þ.e. fyrsta febrúar og fyrsta september ár hvert.


Félag eldriborgara á Húsavík & nágrennis telur um 300 félagsmenn og er öllum sem orðnir eru 60 ára og eldri heimilaður aðgangur að félaginu. Meðalaldur félagsmanna er um 75 ár.
Það dylst engum sem fylgst hefur með málefnum félagssins að mikil gróska hefur verið í starfseminni undanfarin ár. Góð félagsaðstaða hefur verið byggð upp og hafa félagsmenn lagt mikla vinnu við að gera upp húsnæði félagsins, sem í dag er til fyrirmyndar. Samstaða og samvinna félagsmanna hefur verið til mikillar eftirbreytni. Hafa ber þó í huga að framkvæmdum er ekki að fullu lokið. Markmið samnings þessa er fyrst og fremst að auðvelda félaginu að standa skil á stofnkostnaði vegna húsnæðiskaupa og frágangi lóðar. Aðrir fjármunir félagsins munu þar af leiðandi nýtast til að efla innra starf þess enn frekar.

Fyrir byggðarráði liggur 5. fundargerð hverfisráðs Öxarfjarðar.

Guðbjartur Ellert Jónsson óskar eftir að fá sundurliðaða framkvæmdaáætlun sem samþykkt var fyrir árið 2018 (verkefni og fjárhæðir). Jafnframt hvaða framkvæmdir var ráðist í og hver kostnaðurinn er vegna þeirra. Hvaða aðrar framkvæmdir var farið í sem fara á viðauka ársins 2018 og voru ekki á samþykktri framkvæmdaáætlun ársins 2018. Og að lokum hvaða framkvæmdir teygja sig inn í 3ja ára áætlunina og eru þá þegar búnar að taka upp framkvæmdafé þess árs - hvað upphæðir eru það.

Bergur Elías Ágústsson óskar eftir því að eftirfarandi mál verði tekið á dagskrá á næsta fundi byggðarráðs.

Málefni leigufélagsins Hvamms.

Óskað er eftir því að fyrir fundinn liggi útgönguspá fyrir árið 2018 og rekstraráætlun fyrir 2019 sem inniheldur rekstrarreikning, efnahagsreikning og sjóðsstreymisáætlun.

Fyrir byggðarráði liggur fundargerð stjórnar Leigufélags Hvamms frá 14. nóvember.