Byggðarráð Norðurþings

Samgöngu- og sveitarstjórnarráðuneytið óskar umsagnar sveitarfélagsins vegna beiðnar frá Guðbjarti Ellerti Jónssyni um stjórnsýsluúttekt á undirbúningi og afgreiðslu samkomulags sem gert var um uppgjör á farþegagjöldum eins hvalaskoðunarfyrirtækis 3. apríl 2018 annars vegar og hins vegar vegna kvörtunar Daníels Isebarn Ágústssonar hrl. frá 21. janúar þar sem hann, f.h. Gentle Giants- Hvalaferða ehf. kvartar undan meintri mismunum sveitarfélagsins við afgreiðslu mála er varða hvalaskoðunarfyrirtæki á Húsavík.

Á 21. fundi fjölskylduráðs Norðurþings voru samþykktar uppfærðar reglur um fjárhagsaðstoð hjá félagsþjónustu Norðurþings.
Á fundi ráðsins var bókað:
Fjölskylduráð samþykkir samhljóða reglur um fjárhagsaðstoð hjá félagsþjónustu Norðurþings og vísar þeim til staðfestingar í byggðarráði.

Á 16. fundi Skipulags og framkvæmdaráðs 27. nóvember 2018 var samþykkt beiðni leigjanda um að kaupa íbúð Norðurþings að Grundargarði 6 að undangengnu verðmati tveggja fasteignasala. Söluverð er ákveðið út frá meðaltali verðmats fasteignasalanna.
Fyrir Byggðarráði liggur að taka afstöðu til þessa söluverðs áður en gengið er til samninga við leigjanda.

Á 280. fundi byggðarráðs var sveitarstjóra falið að kanna afstöðu ríkisins til sölu fasteignar sem staðsett er í Lundi sem er í 75% eigu ríkisins. Var afgreiðslu málsins frestað þar til sú afstaða lægi fyrir.

Borist hefur erindi frá Miðlun Fasteignasölu ehf. vegna forkaupsréttar sveitarfélagsins á fasteigninni Hrísateig 1, 641 Húsavík.

Fyrir byggðarráði liggur fundargerð 8. fundar hverfisráðs Öxarfjarðar frá 14. janúar s.l.

Karlakórinn Hreimur óskar eftir styrk til útgáfu söngskrár karlakórsins árið 2019.

Fyrir byggðarráði liggur bréf frá Öldu, félagi um sjálfbærni og lýðræði þar sem boðin er aðstoð og þjónusta vegna styttingar vinnuvikunnar og eflingu lýðræðisins s.s. með því að koma fram á opnum umræðu- og kynningarfundum.

Fyrir byggðarráði liggur bréf frá kjörnefnd Lánasjóðs sveitarfélaga þar sem óskað er eftir tilnefningum og/eða framboðum til stjórnar og varastjórnar sjóðsins. Óskað er eftir að að tilnefningar og/eða framboð berist í síðasta lagi kl. 12:00 mánudaginn 4. mars n.k.

Velferðarnefnd Alþingis óskar eftir umsögn um frumvarp til laga um breytingu á ýmsum lögum vegna laga um persónuvernd og vinnslu persónuupplýsinga. Óskað er eftir að umagnir berist eigi síðar en 27. febrúar n.k.