Byggðarráð Norðurþings

Næstu daga mun sveitarfélagið taka á móti kvikmyndafólki frá Netflix og True North, sem taka mun upp atriði í nýjustu kvikmynd stórleikarans og handritshöfundarins Will Ferrell. Mun myndin fjalla um Eurovision söngvakeppnina og verður Húsavík að hluta til sögusvið myndarinnar og sem slíkur leika stórt hlutverk í myndinni. Um einstakan atburð er að ræða sem allar líkur eru á að hafi m.a. jákvæð áhrif á komu ferðamanna inn á svæðið næstu árin. Fyrir byggðarráði liggur bréf frá aðstandendum myndarinnar er varðar framgang verkefnisins og leiðbeinandi reglur sem óskað er eftir að íbúar virði á meðan að tökum stendur.

Á fund byggðarráðs kemur Hafnastjóri Norðurþings og fer yfir fjárhagsáætlun Hafnasjóðs fyrir árið 2020 og framkvæmda- og fjárfestingaáætlanir fyrir 2019 og 2020.
Fjármálastjóri fer yfir stöðuna á fjárhagsáætlunarvinnunni.

Samgöngu- og sveitarstjórnarráðuneytið vekur athygli á eftirfarandi:
Frumvarp til laga um breytingu á lögum um tekjustofna sveitarfélaga, nr. 4/1995, með síðari breytingum, og sveitarstjórnarlögum nr. 138/2011 hefur verið lagt til umsagnar í samráðsgátt stjórnvalda.

Markmið frumvarpsins er fyrst og fremst að styrkja það lögbundna hlutverk Jöfnunarsjóðs sveitarfélaga að jafna mismunandi útgjaldaþörf og skatttekjur sveitarfélaga með framlögum til þeirra. Með það að markmiði var farið yfir regluverk sjóðsins,sbr. III. kafla laganna, reglna á grundvelli þeirra og vinnureglna sjóðsins sem staðfestar hafa verið af ráðherra, til að annars vegar styrkja forsendur og grundvöll úthlutana úr Jöfnunarsjóði og hins vegar skýra heimildir löggjafarinnar til skerðinga á framlögum úr sjóðnum í samræmi við dóm Hæstaréttar frá 14. maí 2019, í máli nr. 34/2018. Er frumvarp þetta afrakstur þeirrar vinnu og er tilgangur þess að færa frekari stoð undir þær reglur sem eiga að gilda um úthlutanir jöfnunarframlaga úr sjóðnum.

Sjá hlekk hér: https://samradsgatt.island.is/oll-mal/$Cases/Details/?id=1496

Allsherjar- og menntamálanefnd Alþingis óskar eftir umsögn um frumvarp til laga um breytingu á lögum um grunnskóla, nr. 91/2008, með síðari breytingum (framlög til sjálfstætt rekinna grunnskóla), 16. mál.
Þess er óskað að undirrituð umsögn berist eigi síðar en 18. október n.k.

Fyrir byggðarráði liggur yfirlit yfir lán Norðurþings, þ.e. Eignasjóðs, Félagslegra íbúða og Hafnasjóðs.

Til fundar við byggðarráð kemur Eiríkur Haukur Hauksson, framkvæmdastjóri Búfestis og fer yfir stöðuna er varðar samstarf sveitarfélagsins og Búfestis um tilraunverkefni Íbúðalánasjóðs.

Á 302. fundi byggðarráðs Norðurþings þann 26. september s.l. var tekið fyrir ofangreint mál að beiðni Bergs Elíasar Ágústssonar. Á fundinum var bókað að nánari útfærsla yrði tekin fyrir á næsta fundi ráðsins.

Til fundarins kemur Jónas Einarsson, verkefnisstjóri á framkvæmdasviði til að gera grein fyrir stöðu verkefnisins sem möguleiki er á að komi til framkvæmda á næstu misserum.

Borist hefur erindi frá Óla Halldórssyni, fulltrúa Norðurþings í svæðisráði Vatnajökulsþjóðgarðs, þar sem hann segir sig úr svæðisráðinu af persónulegum ástæðum.

Samstarfssamningur milli Slökkviliðs Norðurþings og Brunavarna Skútustaðahrepps og Þingeyjarsveitar lagður fram.

Þjóðskrá Íslands tilkynnir leiðréttingu á fasteignamati fyrir íbúðir í fjölbýli 2020.

Fyrir byggðarráði liggur fundargerð 9. fundar hverfisráðs Kelduhverfis frá 3. október s.l.

Fyrir byggðarráði liggur fundargerð 874. fundar stjórnar Sambands íslenskra sveitarfélaga frá 27. september s.l.

Fyrir byggðarráði liggja fundargerðir 14. og 15. fundar framkvæmdastjórnar HNÞ frá 13. maí 2019 og 16. september 2019.

Fyrir byggðarráði liggja fundargerðir 4. - 8. fundar stjórnar Atvinnuþróunarfélags Þingeyinga ses.

Samstarfssamningur milli Slökkviliðs Norðurþings og Slökkviliðs Langanesbyggðar lagður fram.

Samstarfssamningur milli Slökkviliðs Norðurþings og Slökkviliðs Akureyrar lagður fram.