Byggðarráð Norðurþings

Á 335. fundi byggðarráðs var eftirfarandi bókað;

Sveitarstjóra falið að afla frekari gagna og vinna málið í samráði við lögmann sveitarfélagsins og leggja fyrir ráðið að nýju.

Samgöngu- og sveitarstjórnarráðuneytið hefur lokið frumkvæðisathugun á samstarfssamningum sveitarfélaga, sem stofnað var til með vísan til eftirlitshlutverks þess með stjórnsýslu sveitarfélaga. Tilgangur athugunarinnar var að afla heildstæðra upplýsinga um samstarfssamningasveitarfélaga og leggja mat á hversu vel samningarnir samræmast þeim kröfum sem gerðar eru til slíkra samninga í lögum.
Yfirferð ráðuneytisins leiddi í ljós að töluverðir annmarkar eru á fjölmörgum samningum sveitarfélaga um samvinnu þeirra á milli. Ráðuneytið hefur af því tilefni tekið saman leiðbeiningar til sveitarfélaga um almenn sjónarmið sem gilda um samvinnu þeirra, form samvinnu og lagakröfur sem gerðar eru til slíkra samninga. Ráðuneytið mun fylgja leiðbeiningunum eftir með því að upplýsa sveitarfélög um athugasemdir þess við einstaka samninga en öllum sveitarfélögum landsins mun berast bréf þess efnis á næstu dögum. Sveitarfélögum verður gefinn frestur til að gera úrbætur og af þeim svörum mun ráðast hvort tilefni er til að taka einstaka samninga til frekari umfjöllunar.

Fyrir byggðarráði liggur bréf frá Islands Þari ehf. þar sem fyrirtækið lýsir yfir að Húsavík sé þeirra fyrsti kostur til uppsetningar á þaravinnslu. Óskað er eftir aðstoð og samstarfi sveitarfélagsins við ákvörðun endanlegrar staðsetningar og skipulagningu þeirra þátta sem nauðsynlegir eru til að byggja upp starfsemina á Húsavík.

Fyrir byggðarráði liggur bréf Frumherja sem sent var á Héraðsnefnd Þingeyinga þann 5. júní sl. vegna breytinga á þjónustu Frumherja á Kópaskeri og Þórshöfn.

Borist hefur kauptilboð í fasteignina Höfða 20, gömlu slökkvistöðina, frá Bæjarprýði ehf. að fjárhæð 18.000.000.

Demantshringurinn verður opnaður formlega sunnudaginn 6. september 2020 kl. 13:00. Nauðsynlegt er að skrá sig á viðburðinn vegna fjöldatakmarkana samkvæmt fyrirmælum frá Almannavörnum.

Ríkisstjórnin samþykkti á fundi þann 28. apríl sl. að beina því til samráðsnefndar ríkis og sveitarfélaga að setja á fót greiningarhóp til að vinna að tvíþættu verkefni. Annars vegar að safna upplýsingum um fjárhagsáætlanir og fjárhagsstöðu einstakra sveitarfélaga fyrir yfirstandandi ár, þróun þeirra og horfur og hins vegar að safna upplýsingum um einstaka þætti sem ljóst þykir að muni hafa mikil áhrif á afkomu sveitarfélaga á komandi mánuðum og misserum. Tilefnið er að bregðast við þeim aðstæðum sem myndast hafa í kjölfar Covid-19 faraldursins en ljóst er að áhrif hans verða mikil á efnahagslífið allt og þar með talið fjármál ríkis og sveitarfélaga.
Starfshópurinn hefur nú lokið störfum og hafa niðurstöður verið birtar.

Fyrir byggðarráði liggur rekstraryfirlit málaflokka fyrir tímabilið janúar til júlí 2020.

Á fund byggðarráðs mæta sviðsstjórar málaflokka ásamt hafnastjóra og framkvæmdastjóra Orkuveitu Húsavíkur ohf. til að fara yfir rekstur ársins 2020 og meta fjárhagslegar horfur ársins 2021.