Byggðarráð Norðurþings

Á síðasta fundi ráðsins var bókað: Byggðarráð felur sveitarstjóra að vinna drög að svari við erindinu í samvinnu við lögmann sveitarfélagsins. Einnig þarf sveitarfélagið að eiga samtal við sín hverfisráð og mun boða þau til fundar áður en lengra er haldið með málið og frekar ákvarðanir teknar.

Formenn hverfisráða sitja fundinn í fjarfundi.

Fyrir byggðarráði liggja samþykktir Norðurþings með athugasemdum frá innviðaráðuneytinu. Taka þarf afstöðu til athugasemdanna.

Fyrir byggðarráði liggur tillaga að vinnuferli vegna fjárhagsáætlunar fyrir árið 2023 og næstu þriggja ára þar á eftir.

Fyrir byggðarráði liggur erindi frá Birni Jónssyni f.h. Útgerðarfélagsins Röðuls ehf., Herði Þorgeirssyni f.h. Ránar ehf., Snorra Sturlusyni f.h. Útgerðarfélagsins Ugga ehf. og Jóni Tr. Árnasyni f.h. Æðaskers ehf. þar sem óskað er eftir því að sveitarfélagið fari þess á leit við sjávarvútvegráðuneytið að gerð verði undanþága á löndunarskyldu til vinnslu í heimabyggð með hrognkelsi fiskveiðiárið 2021/2022 og landanir muni teljast til viðmiðurnar vegna byggðakvóta 2020/2021 sem úthlutað verður á fiskveiðiárinu 2021/2022.

Fyrir byggðarráði liggur að veita umsögn vegna umsóknar um tækifærisleyfi.

Staðsetning skemmtanahalds: Félagsheimilið Hnitbjörg, Aðalbraut 27, 675 Raufarhöfn.
Tilefni skemmtanahalds: Sjómannadags dansleikur.
Áætlaður gestafjöldi: 150. Áætluð aldursdreifing gesta: frá 18 ára aldri.
Tímasetning viðburðar: 11. júní 2022 frá kl. 23:00 til kl. 03:00 aðfararnótt 12. júní 2022.
Helstu dagskráratriði: Dansleikur í tilefni sjómannadags.

Ósk hefur borist frá Sjómannadagsráði um styrk vegna hátíðahalda á Sjómannadaginn. Undanfarin ár hefur verið veittur styrkur að fjárhæð 100.000,- kr.

Fyrir byggðarráði liggur meðfylgjandi greinargerð um starfsemi Rannsóknastöðvarinnar Rifs fyrir árið 2021. Samkvæmt samningi um verkefni Rannsóknastöðvarinnar ber Náttúrustofunni að skila slíkri greinargerð í upphafi hvers árs.
Í samningnum kemur fram að greiðsla vegna ársins 2022 fari fram samhliða skilum á greinargerð vegna starfsemi ársins 2021. Því er þess óskað hér með að Norðurþing greiði sitt framlag 3 m.kr í kjölfar þessara skila á greinargerð ársins 2021.

Atvinnu- og samfélagsfulltrúi í Öxarfirði óskar eftir styrk að fjárhæð 250.000 krónur vegna árlegrar Sólstöðuhátíðar á Kópaskeri.

Fyrir byggðarráði liggur til kynningar fundargerð fulltrúaráðs Héraðsnefndar Þingeyinga bs. haldinn á Breiðumýri, Þingeyjarsveit 2. maí 2022 kl. 13:00.

Velferðarnefnd Alþingis; Til umsagnar tillögu til þingsályktunar um framkvæmdaáætlun í málefnum innflytjenda, 592. mál.

Umhverfis- og samgöngunefnd Alþingis;

Til umsagnar frumvarp til laga um stefnumótandi byggðaáætlun fyrir árin 2022-2036, 563. mál.

Til umsagnar frumvarp til laga um sveitarstjórnarlög (íbúakosningar á vegum sveitarfélaga), 571. mál.

Allsherjar- og menntamálanefnd Alþingis; Til umsagnar frumvarp til laga um útlendinga (alþjóðleg vernd), 595. mál.