Byggðarráð Norðurþings

Fyrir byggðarráði liggur að taka ákvörðun um rekstrarfyrirkomulag tjaldstæðisins n.k. sumar. Sveitarstjóri fer yfir vinnu starfshóps sem fundað hefur um framtíðaráform er varða tjaldstæði á Húsavík og uppbyggingu þess. Jafnframt verður gert grein fyrir umræðum hópsins er snýr að mögulegum rekstri bílastæðasjóðs á Húsavík.

Fyrir byggðarráði liggur tillaga frá aðalbókara Norðurþings um að fasteignagjöld undir 25 þúsund krónum skuli innheimt með einum gjalddaga en verði ekki dreift yfir árið.

Fyrir byggðarráði liggur bréf frá Hvalasafninu á Húsavík varðandi álagningu fasteignagjalda á safnið. Þar kemur fram að viðurkennd söfn og safnahús eru undanþegin fasteignaskatti samkvæmt lögum um tekjustofna sveitarfélaga, sjá 5. grein laganna, http://www.althingi.is/lagas/nuna/1995004.html.
Framkvæmdastjóri Hvalasafnsins óskar eftir því að safnið verði undanþegið álagningu fasteignaskatts sbr. fyrrnefnd lög um tekjuskatta sveitarfélaga.

Fyrir byggðarráði liggur bréf frá Sambandi íslenskra sveitarfélaga er varðar viðræður sambandsins við FJÖLÍS um endurskoðun samninga varðandi afnot af höfundarvernduðu efni í stjórnsýslu sveitarfélaga. Lagt er til við sveitarfélög að þau gangi til samninga við Fjölís um ofangreind afnot, á grunni þeirra viðræðna sem fóru fram á milli sambandsins og FJÖLÍSS. Eftirfarandi bókun var samþykkt á stjórnarfundi sambandsins um málið:
"Stjórnin samþykkti að mæla með því við sveitarfélögin að þau gangi til samninga við FJÖLÍS á grundvelli þeirra gagna sem lögð voru fram á fundinum. Framkvæmdastjóra falið að tilkynna sveitarfélögunum þessa niðurstöðu".
Einnig fylgir með erindi sambandsins, bréf frá FJÖLÍS þar sem samningurinn er kynntur og drög að samningi á milli Norðurþings og FJÖLÍSS.

Fyrir byggðarráði liggur 846. fundargerð Sambands íslenskra sveitarfélaga.

Í lok ársins 2016 var framkvæmd þjónustukönnun á vegum Gallup meðal fjölmargra sveitarfélaga landsins og í Norðurþingi þar á meðal. Niðurstöður könnunarinnar liggja fyrir byggðarráði og verða birtar á heimasíðu sveitarfélagsins.

Fyrir byggðarráði liggur erindi frá stjórn Fjallalambs á Kópaskeri er ósk félagsins um kaup Byggðastofnunar á óseldu hlutafé.