Fjölskylduráð

Guðrún S. Kristjánsdóttir, skólastjóri Öxarfjarðarskóla gerði grein fyrir skóladagatali Öxarfjarðarskóla skólaárið 2019 - 2020. Ráðið þakkar henni fyrir og samþykkir skóladagatalið.

Kolbrún Ada Gunnarsdóttir, deildarstjóri í Borgarhólsskóla gerði grein fyrir skóladagatali Borgarhólsskóla skólaárið 2019 - 2020. Ráðið þakkar henni fyrir og samþykkir skóladagatalið.

Fjölskylduráði hefur borist listi með 80 undirskriftum þar sem óskað er eftir að börn sem ekki hafa hafið bólusetningarferil verði ekki tekin inn í leikskóla sveitarfélgasins. Ráðið þakkar bréfriturum og þeim sem skrifuðu undir listann fyrir erindið. Þeir sem rita undir listann eru flestir foreldrar leikskólabarna á Húsavík. Síðan undirskriftarlistinn barst hafa einnig borist fyrirspurnir til sveitarfélagsins frá foreldrum barna í öðrum leikskólum innan sveitarfélagsins. Sambærileg erindi hafa auk þess borist öðrum sveitarfélögum og verið tekin til afgreiðslu þar.

Fjölskylduráð tekur heilshugar undir áhyggjur undirritaðra og þeirra sem leitað hafa til sveitarfélagsins vegna málanna. Ráðið telur mikilvægt að tryggja að öll börn í leikskólum sveitarfélagsins séu bólusett og tryggja þannig öryggi barnanna. Bólusetning er hins vegar í dag ekki skylduð með lögum.

Ráðið hefur beint fyrirspurn varðandi málið til skrifstofu sveitarstjórnarmála í Innanríkisráðuneytinu og frestar afgreiðslu þar til álit hefur borist.

Fjölskylduráð þakkar bréfritara og tekur undir mál hans. Ráðið vísar málinu til Skipulags- og framkvæmdaráðs og óskar eftir að fjármagn verði sett í framkvæmdirnar á framkvæmdaáætlun 2020. Jafnframt bendir ráðið á að þörf er á að fjölga leiktækjum fyrir leikskólabörn í Lundi. Minnir ráðið auk þess á að í sumar stendur til að setja upp ærslabelg á Kópaskeri.

Tilagan lögð fram.

Fjölskylduráð samþykkir verklagsreglur um afgreiðslu umsóknar um búsetuúræði fyrir fatlaða með áorðnum breytingum.

Fjölskylduráð samþykkir verklagsreglur umsóknar þjónustu við fatlaða með áorðnum breytingum.

Áskorunin lögð fram.

Fjölskylduráð samþykkir reglur Norðurþings um notendastýrða persónulega aðstoð - NPA.

Fjölskylduráð samþykkir siðareglur starfsmanna félagsþjónustu Norðurþings.

Fjölskylduráð samþykkir að styrkja tónleikana "Lífið er núna - rokkum gegn krabbameini" um kr. 60.000 úr Menningar- og listasjóði Norðurþings en synjar styrkveitingu vegna endurnýjunar á búnaði.

Bylgja Steingrímsdóttir vék af fundi við afgreiðslu málsins.

Fjölskylduráð þakkar fyrir gott erindi en telur vorið óhentugan tíma fyrir skólabörn til skáknámskeiðishalds. Ráðið óskar eftir endurnýjuðu erindi þegar líður að hausti.

Fjölskylduráð synjar erindi Völsungs. Ráðið ákveður að veita öllum íbúum sveitarfélagsins 15% afslátt af árskortum í Sundlaug Húsavíkur í 2 vikur, 1 viku fyrir opnun nýrrar vatnsrennibrautar og eina viku eftir opnun hennar. Íþrótta- og tómstundafulltrúa er falið að auglýsa afsláttinn. Auk þess samþykkir ráðið að bjóða öllum börnum sveitarfélagsins 16 ára og yngri ókeypis í sund í eina viku eftir opnun vatnsrennibrautarinnar.

Fjölskylduráð samþykkir Húsnæðisáætlun Norðurþings 2019 - 2026.