Fræðslu- og menningarnefnd Norðurþings

Eyrún Ýr Tryggvadóttir, forstöðumaður bókasafnsins á Húsavík mætti á fundinn. Eyrún gerði grein fyrir fjárhagsstöðu bókasafnsins og lagði fram fjárhagsáætlun ársins 2014 ásamt tillögu að gjaldskrá.

Fyrir liggur samningur um framlag Tjörneshrepps til Bókasafnsins á Húsavík, fræðslu- og menningarnefnd samþykkir fyrirliggjandi samning og fagnar samstarfinu. Eyrún Ýr Tryggvadóttir vék af fundi kl. 16:30.

Fulltrúar Tónlistarskóla Húsavíkur, Árni Sigurbjarnarson skólastjóri og Adrienne D. Davis fulltrúi kennara mættu á fundinn. Árni gerði grein fyrir fjárhagsstöðu skólans og lagði fram fjárhagsáætlun vegna ársins 2014.

Árni Sigurbjarnarson lagði fram tillögu að gjaldskrá Tónlistarskóla Húsavíkur vegna ársins 2014.

Árni Sigurbjarnarson gerði grein fyrir starfi tónlistarskólans skólaárið 2013-2014. Verulega aukin sókn er í tónlistarnám í Öxarfjarðarskóla og Grunnskóla Raufarhafnar. Fulltrúar Tónlistarskóla Húsavíkur viku af fundi kl. 16:50.

Fulltrúar Borgarhólsskóla, Þórgunnur R. Vigfúsdóttir skólastjóri, Sólveig Mikaelsdóttir og Kolbrún Ada Gunnarsdóttir fulltrúar kennara mættu á fundinn. Þórgunnur gerði grein fyrir fjárhagsstöðu skólans og lagði fram fjárhagsáætlun vegna ársins 2014.

Þórgunnur gerði grein fyrir fyrirhuguðum rekstri mötuneytis og lagði fram fjárhagsáætlun vegna ársins 2014 ásamt tillögu að gjaldskrá.

Þórgunnur gerði grein fyrir starfi Borgarhólsskóla skólaárið 2013 - 2014. Áherslur eru á innleiðingu aðalnámskrár og endurskoðun skólanámskrár til samræmis við hana. Verið er að innleiða uppeldisstefnuna "jákvæður agi." Skólinn er að gerast heilsueflandi skóli. "Skólaskútan" og þau gildi sem hún byggir á eru leiðandi í öllu starfi skólans. Nánar verður greint frá starfi skólans í fréttabréfi skólans sem unnið er að. Fulltrúar Borgarhólsskóla viku af fundi kl. 18:05.

Fulltrúar leikskólans Grænuvalla, Sigríður Valdís Sæbjörnsdóttir leikskólastjóri, Lilja Sigurðardóttir fulltrúi starfsmanna og Bergþóra Höskuldsdóttir fulltrúi foreldra mættu á fundinn. Sigríður Valdís gerði grein fyrir fjárhagsstöðu skólans og lagði fram fjárhagsáætlun vegna 2014 ásamt tillögu að gjaldskrá.

Sigríður Valdís gerði grein fyrir starfsemi leikskólans Grænuvalla skólaárið 2013 - 2014 og kynnti handbók um starfið sem lögð er til grundvallar í öllu skipulagi. Markvisst er unnið að því að nemendur leikskólans séu virkir í umhverfisvænu starfi. Starfsfólk miðlar markvisst og skipulega af reynslu og þekkingu sín á milli. Fulltrúar leikskólans Grænuvalla viku af fundi kl. 18:40.

Fræðslu- og menningarnefnd leggur til við bæjarráð að fyrirliggjandi tillögur að gjaldskrám á Fræðslu- og menningarsviði vegna ársins 2014 verði samþykktar. Gjaldskrá Bókasafnsins á Húsavík gildi fyrir öll bókasöfn í Norðurþingi, ekki verði greitt fyrir millisafnalán á milli bókasafnanna í Norðurþingi. Með þessu fyrirkomulagi eflist bókasafnsþjónusta við íbúa í austurhluta sveitarfélagsins. Gert er ráð fyrir auknu samstarfi safnanna og mun sama bókasafnskort gilda í öll bókasöfn sveitarfélagsins.

Fræðslu- og menningarnefnd leggur til við bæjarráð að fyrirliggjandi fjárhagsáætlun verði samþykkt.

Fræðslu- og menningarnefnd leggur til við bæjarráð að fyrirliggjandi fjárhagsáætlanir í málaflokki 04 - fræðslumálum verði samþykktar.

Fræðslu- og menningarnefnd leggur til við bæjarráð að fyrirliggjandi fjárhagsáætlanir í málaflokki 05 - menningarmálum verði samþykktar.

Lagt fram til kynningar.

Lagt fram til kynningar.