Varðandi starfsemi erlendra fyrirtækja á félagssvæði Framsýnar

Bæjarráð tekur undir áhyggjur Framsýnar og telur brýnt að fyrirtæki sem starfa innan Norðurþings og Þingeyjarsveitar skrái vinnuafl í sveitarfélögunum. Bæjarstjóra er falið að boða hagsmunaaðila á fund bæjarráðs sem fyrst.

Aðalsteinn Árni Baldursson mætti á fundinn og fór yfir starfsemi erlendra fyrirtækja á félagssvæði Framsýnar. Bæjarráð þakkar frumkvæði og starf Framsýnar stéttarfélags við hagsmunagæslu á svæðinu og lýsir vilja við að vinna með félaginu að málinu.