PCC Seaview Residences hf. óskar eftir lóðum til úthlutunar fyrir uppbyggingu íbúða

Fyrir byggðarráði liggur ósk frá PCC Seaview Residences hf. um að lóðir á svæði E í deiliskipulagi Holtahverfis og tvær fjölbýlishúsalóðir við Lyngbrekku, verði teknar frá á meðan á undirbúningsvinnu stendur og svæðið tryggt félaginu til úthlutunar um leið og endanleg ákvörðun liggur fyrir um framkvæmdir. Jafnframt er óskað eftir heimild til að vinna tillögu að breytingum á deiliskipulagi umræddra svæða þannig að það falli betur að hugmyndum þróunarfélagsins.

Fyrir byggðarráð liggur fyrir ákvörðun um að ganga inn í tilboð í uppbyggingu gatna í Holtahverfi svæði E.

Fyrir framkvæmdanefnd liggur bókun byggðarráðs um framkvæmdir við gatnagerð í Holtahverfi.

Fyrir liggja samningsdrög milli Norðurþings og PCCSR um uppbyggingu íbúðahúsnæðis í Holtahverfi á Húsavík. Gestir fundarins undir þessum lið verða Gaukur Hjartarson og Garðar Garðarsson lögmaður sveitarfélagsins. Umræður um gatnagerðargjöld í Holtahverfi sem og aðra kostnaðarliði framkvæmdarinnar verða ræddir.

Í ljósi vætutíðar undangenginna daga og vikna þykir illgerlegt að ganga endanlega frá yfirborði gatna á svæði E í Holtahverfi. Ef farið verður í að malbika hverfið á þessum tímapunkti, er líklegt að endurtaka verði stóran hluta af verkinu næsta sumar vegna óstöðugleika jarðvegs og þ.m.t. undirlags í götum.
Fyrir framkvæmdanefnd liggur að taka ákvörðun um hvort halda skuli verkáætlun eða hvort nýta skuli ákvæði um óvissu verkloka vegna annarra verkefna og veðurs og fresta gatnaframkvæmdum til næsta vors.