Rekstur tjaldsvæðis Húsavík 2016

Ræða þarf framhald reksturs tjaldsvæða Húsavík þar sem Húsavíkurstofa mun ekki starfa áfram. Aðilar hafa lýst áhuga á samstarfi um rekstur tjaldsvæðis.

Rekstur tjaldsvæðis á Húsavík hefur verið í uppnámi eftir að ljóst var að Húsavíkurstofa hætti starfsemi. Á 3.fundi framkvæmdanefndar þann 13.apríl síðastliðin, var framkvæmda- og þjónustufulltrúa falið að ræða við tómstunda- og æskulýðsfulltrúa um rekstur tjaldsvæðisins á Húsavík fyrir sumarið 2016.

Á 2. fundi æskulýðs- og menningarnefndar Norðurþings var eftirfarandi bókað:

Æskulýðs - og menningarnefnd telur brýnt að leysa málefni tjaldsvæðisins sem fyrst. Tjaldsvæðið er mikilvægur liður í vaxandi ferðamannaþjónustu í sveitarfélaginu. Einnig hefur nefndin hug á því að kannaður verði möguleiki á gjaldskyldu húsbílastæði við íþróttahöllina á Húsavík. Nefndin felur íþrótta - og tómstundafulltrúa að vinna að úrlausn mála með það fyrir augum að æskulýðs og menningarsvið taki yfir rekstur tjaldsvæðisins út árið 2016.

Nefndin samþykkir eftirfarandi gjaldskrá fyrir árið 2016:
Fullorðinn (fyrsta nóttin): 1.400 kr,
Næstu nætur: 1.000 kr / nóttin,
Ellilífeyrisþegar / Örorkuþegar: 1.000 kr,
Börn 0-15 ára: Frítt,
Rafmagn: 700 kr,
Þvottavél: 500 kr,
Tjaldsvæðið verður opið frá 15.maí - 30.september.