Sýslumaðurinn á Norðurlandi eystra óskar eftir umsögn um rekstarleyfi vegna sölu gistingar að Vallholtsvegi 5

Óskað er eftir umsögn um rekstrarleyfi vegna sölu gistingar að Vallholtsvegi 5.

Auk erindis sýslumanns liggur fyrir bréf frá GPG Seafood ehf þar sem gerð er nánari grein fyrir mögulegri gistisölu í fimm herbergjum á neðri hæð. Í bréfinu er sérstaklega óskað eftir fráviki frá fyrri ákvörðun skipulags- og umhverfisnefndar að veita ekki jákvæða umsögn um gistihúsarekstur í íbúðarhverfum.

Fyrir byggðarráði liggur beiðni um umsögn um rekstrarleyfi til handa Gunnlaugi Hreinssyni f.h. GPG Seafood ehf. vegna sölu gistingar að Vallholtsvegi 5, Húsavík.

Erindið var áður til umfjöllunar á fundi skipulags- og umhverfisnefndar í janúar og veitti nefndin þá neikvæða umsögn.
Með bréfi dags. 7. febrúar s.l. kemur húseigandi á framfæri rökstuddum andmælum vegna afstöðu skipulags- og umhverfisnefndar.

Á 202. fundi byggðarráðs var eftirfarandi bókað:
"Byggðarráð tekur undir bókun 12. fundar skipulags- og umhverfisnefndar og sér sér ekki fært að veita jákvæða umsögn um rekstur nýs gistiheimilis á íbúðarhúsalóð á þessu stigi."

Skipulags- og umhverfisnefnd bókaði eftirfarandi á 13. fundi sínum varðandi ofangreint rekstrarleyfi:
"Erindið var áður til umfjöllunar á fundi skipulags- og umhverfisnefndar í janúar og veitti nefndin þá neikvæða umsögn. Með bréfi dags. 7. febrúar s.l. kemur húseigandi á framfæri rökstuddum andmælum vegna afstöðu skipulags- og umhverfisnefndar."
Nefndin bókaði ennfremur:
"Þrátt fyrir að Vallholtsvegur 5 sé í íbúðarhverfi, þá er svæðið skilgreint sem verslunar- og þjónustusvæði í aðalskipulagi Norðurþings 2010-2030. Lóðarhafi hefur í hyggju að útbúa nægilegan fjölda bílastæða innan lóðar og aðkoma að lóðinni er um verslunar- og þjónustusvæði. Skipulags- og umhverfisnefnd felur skipulags- og byggingarfulltrúa að veita jákvæða umsögn um leyfi til sölu gistingar í húsinu þegar honum hafa borist fullnægjandi teikningar af breytingum á húsinu og fyrirkomulagi bílastæða."