Raufarhöfn og framtíðin - staða og framtíðarsýn verkefnisins

Byggðarráð felur sveitarstjóra að óska eftir stöðufundi með stjórn Brothættra byggða á Raufarhöfn.

Byggðarráð ræddi stöðu og framtíð verkefnisins. Fyrir liggja áform um íbúafund á Raufarhöfn á vegum verkefnisstjórnar í byrjun janúar og telur byggðarráð í því ljósi rétt að fresta frekari umfjöllun fram yfir fundinn. Jafnframt verði hverfisráð Raufarhafnar virkjað í tengslum við verkefnið.

Byggðarráð telur brýnt að áfram verði unnið með íbúum Raufarhafnar að atvinnumálum eftir að verkefni Byggðastofnunar um brothættar byggðir „Raufarhöfn og framtíðin“ lýkur. Byggðarráð samþykkir að koma að því að stofna nýtt stöðugildi á Raufarhöfn sem fái það hlutverk að vinna að atvinnu- og samfélagstengdum málum. Sveitarstjóra er falið að útfæra verkefnið í samstarfi við Atvinnuþróunarfélag Þingeyinga. Stefnt verði að því að Norðurþing fjármagni með nýju fjárframlagi sem nemur u.þ.b. 50% af starfinu og leggi til aðstöðu eftir samkomulagi.

Byggðarráð þakkar Nönnu Steinu fyrir komuna.

Byggðarráð þakkar Nönnu Steinu fyrir komuna og fyrir greinargóðar upplýsingar um stöðu og framtíðarsýn verkefnisins, Raufarhöfn og framtíðin.