Norðurþing - Heilsueflandi samfélag

Til umræðu er verkefnið ,,Heilsueflandi samfélag" sem Embætti landlæknis stendur fyrir.
15 sveitarfélög hafa formlega tekið þátt í verkefninu sem fellst meðal annars í því að huga að heilsueflingu í allri stefnumótun.

Á 16. fundi æskulýðs- og menningarnefndar Norðurþings var eftirfarandi bókað;

Æskulýðs- og menningarnefnd telur verkefnið mikilvægt samfélagsverkefni og skorar nefndin á Sveitarstjórn Norðurþings að taka málið til umræðu hvort Norðurþing eigi að gerast heilsueflandi samfélag.

Nefndin vill leggja ríka áherslu á að ef ákveðið verður að fara í verkefnið, sé mikilvægt að vel verði haldið utan um það og tryggt verði fjármagn fyrir verkefnisstjóra.

Erindinu er vísað til Sveitarstjórnar.

Um er að ræða mál sem tekið var fyrir á 76.fundi Sveitarstjórnar Norðurþings.
Bókun Sveitarstjórnar var eftirfarandi: Sveitarstjórn tekur jákvætt í málið og felur æskulýðs- og menningarnefnd að vinna málið og leggja fyrir sveitarstjórn að nýju.

Á 17. fundi æskulýðs- og menningarnefndar var eftirfarandi bókað;

Æskulýðs- og menningarnefnd telur mikilvægt að hefja vinnu við að gerast Heilsueflandi samfélag og leggur til að Sveitarstjórn Norðurþings sæki formlega um aðild að verkefninu.

Skipaður verði stýrihópur sem í sitja; Sveitarstjóri Norðurþings, Íþrótta- og tómstundafulltrúi Norðurþings og Fræðslufulltrúi Norðurþings sem munu leiða verkefnið fyrsta árið.

Málinu er vísað til Sveitarstjórnar Norðurþings.




Fyrir sveitarstjórn liggur að samþykkja að sækja formlega um aðild að verkefninu hjá embætti landlæknis.

Á janúarfundi Sveitarstjórnar Norðurþings var samþykkt samhljóða um að sækja um aðild að verkefninu Heilsueflandi samfélag sem Embætti landlæknis stendur fyrir.
Stefnt er að formlegri undirritun þann 1. mars næstkomandi.

Fjölskylduráð hefur til kynningar gátlista Heilsueflandi samfélags sem nú eru opnir sveitarfélögum að vinna eftir.
Gátlistarnir eru unnir út frá heimsmarkmiðum Sameinuðu þjóðanna og gefa sveitarfélögum tækifæri á að bera saman árangur verkefnisins sín á milli.
Embætti landlæknis mun árlega taka stöðu sveitarfélaga og birta opinberlega.