Tónlistarskóli Húsavíkur - Hljómsveitarstarf unglinga

Fjölskylduráð þakkar skólastjóra Tónlistarskóla Húsavíkur fyrir erindið. Ráðið felur íþrótta- og tómstundafulltrúa og fræðslufulltrúa að gera kostnaðaráætlun og útfæra hugmyndir að rekstri slíks húsnæðis í samráði við skólastjóra Tónlistaskólans.

Ráðið fjallaði um kostnaðaráætlun og hugmyndir að rekstri úrræðis fyrir hljómsveitarstarf unglinga á Húsavík. Ráðinu líst vel á einhverskonar rekstur á slíku hljómsveitarstarfi og felur íþrótta- og tómstundafulltrúi og fræðslufulltrúa að vera í samstarfi við skólastjóra Tónlistarskóla Húsavíkur um frekari útfærslur á hugmyndinni, húsnæði og kostnaðarskiptingu.

Fjölskylduráð felur fræðslufulltrúa í samstarfi við skólastjóra Tónlistarskóla Húsavíkur að finna verkefninu farveg undir formerkjum Tónlistarskólans. Fullmótuð áætlun um verkefnið verði lögð fyrir ráðið að nýju í lok október 2020.