Fjölskylduráð

Framkvæmdastjóri Völsungs kynnti ársreikning félagsins og þakkar ráðið honum fyrir greinargóða kynningu.

Lagt fram til kynningar.

Grímur Kárason slökkviliðsstjóri kynnti úttekt slökkviliðsins á húsnæðinu við Vallholtsveg 3. Húsnæðið er í lagi fyrir almenna starfsemi félagsmiðstöðvarinnar og heimilar allt að 40 manns komi saman í húsinu hverju sinni. Ráðið felur íþrótta- og tómstundafulltrúa að hefja starfið í því húsnæði sem fyrst og fara í þær úrbætur sem úttektin segir til um.

Undirrituð leggur til að starfsemi félagsmiðstöðvarinnar verði einungis til áramóta í núverandi húsnæði og fram að þeim tíma verði farið í að kanna aðra þá möguleika á stærra húsnæði sem kynntir hafa verið í framlögðu minnisblaði frá íþrótta- og tómstundafulltrúa.
Hrund Ásgeirsdóttir

Hrund greiðir með tillögunni en Arna Ýr Arnarsdóttir, Aldey Traustadóttir, Benóný Valur Jakobsson og Heiðbjört Þóra Ólafsdóttir greiða atkvæði á móti tillögunni.

Arna Ýr Arnarsdóttir, Aldey Traustadóttir, Benóný Valur Jakobsson og Heiðbjört Þóra Ólafsdóttir bóka eftirfarandi:
Það er ljóst að núverandi húsnæði er ekki til frambúðar en við undirrituð teljum ekki raunhæft að finna nýtt húsnæði fyrir áramót 2020-2021. Engu að síður leggum við til að sú vinna sem hafin er verði haldið áfram og reynt með ítrasta hætti að finna framtíðarhúsnæði fyrir starfsemina sem allra fyrst.

Fjölskylduráð þakkar fyrir ábendingarnar en stendur við ákvörðun sína varðandi vetraropnunartíma sundlaugar Húsavíkur sem er mánudagar - fimmtudagar: 06:45 - 08:15 og 14:00 - 21:00, föstudagar: 06:45 - 19:00, helgar: 11:00 - 16:00.
Ástæðan fyrir skertum opnunartíma fyrir almenna sundgesti er sú að börnum í sundkennslu hefur fjölgað talsvert og illgerlegt að koma öllum börnunum fyrir í sundkennslu innan hefðbundins skólatíma nema með því að skerða almennan opnunartíma. Fjölskylduráð hefur þá stefnu að gera sitt besta til að vinnudagur skólabarna verði samfelldur og er þetta liður í að koma þeirri stefnu í framkvæmd. Fjölskylduráði þykir leitt að þurfa að skerða almennan opnunartíma og hvetur fólk á sama tíma að nýta sundlaugina á þeim opnunartíma sem er í boði.

Lagt fram til kynningar. Málinu vísað til umfjöllunar í skipulags- og framkvæmdaráði.

Fjölskylduráð óskar eftir viðauka við byggðarráð vegna fjárhagsáætlunar skíðamannvirkja að fjárhæð 1.156.200 kr.

Fjölskylduráð leggur til við skipulags og framkvæmdaráð að allt það fjármagn sem áætlað var til viðhalds á leikvöllum Norðurþings árið 2020 verði veitt til skólalóðar við Öxarfjarðarskóla.
Ráðið mun hafa skýrslurnar til hliðsjónar við fjárhagsáætlunargerð fyrir árið 2021.

Ráðið samþykkir tilboð BSI og felur íþrótta- og tómstundafulltrúa og fræðslufulltrúa að ganga frá samningi.

Erindið er samþykkt og íþrótta- og tómstundafulltrúa er falið koma verkefninu í framkvæmd í samvinnu við umsóknaraðila.

Félagsmálastjóri gerði grein fyrir félagstarfi fullorðinna í sumar.

Félagsmálastjóri gerði grein fyrir félagsstarfi sumarsins.
Fjármagnið var nýtt til uppbyggingar frístundar og félagsmiðstöðvar.

Félagsmálastjóri kynnti gæðaviðmið fyrir félagslega þjónustu við fatlað fólk.

Ráðið samþykkir framlagt dagatal frístundar 1. - 4. bekkjar með áorðnum breytingum.

Ráðið fjallaði um kostnaðaráætlun og hugmyndir að rekstri úrræðis fyrir hljómsveitarstarf unglinga á Húsavík. Ráðinu líst vel á einhverskonar rekstur á slíku hljómsveitarstarfi og felur íþrótta- og tómstundafulltrúi og fræðslufulltrúa að vera í samstarfi við skólastjóra Tónlistarskóla Húsavíkur um frekari útfærslur á hugmyndinni, húsnæði og kostnaðarskiptingu.

Lagt fram til kynningar.