Íslandsþari ehf. - staða verkefnisins

Byggðarráð þakkar Snæbirni og Hafþóri fyrir góða kynningu á stöðunni.

Sveitarstjóri fór yfir málið og væntingar eru til þess að skýrsla um samfélags- og staðbundin umhverfisáhrif liggi fyrir á næsta fundi byggðarráðs.

Byggðarráð hefur fjallað um og fengið kynningar á verkefni Íslandsþara ehf. á undanförnum mánuðum, um nytjar á stórþara úti fyrir Norðurlandi. Áhugi er hjá fyrirtækinu að á Húsavík verði unnið úr þaranum afurðir á markaði erlendis. Beðið er ítarlegri greininga á áhrifum starfseminnar á nánasta umhverfi, kæmi til uppbyggingarinnar á Húsavík. Í ljósi gagnkvæms áhuga sveitarfélagsins á því að vinna verkefnið áfram sem og til samræmis við álit skipulags- og framkvæmdaráðs frá 8. febrúar sem snýr að sameiningu lóða á Suðurfyllingu, hvetur byggðarráð forsvarsmenn Íslandsþara ehf. til samtals við sveitarfélagið um úthlutun lóðar á Suðurfyllingu. Mikilvægt er að samhliða framvindu málsins verði íbúum sveitarfélagsins kynntar fyrirætlanir fyrirtækisins, markmið þess og áhrif á samfélagið.

Stjórn hafnasjóðs telur að áhættumat Mannvits vegna fyrirhugaðrar verksmiðju Íslandsþara á lóðinni að Norðurgarði 7 sýni að koma megi í veg fyrir að efnanotkun fyrirtækisins skapi slíka hættu innan lóðar slökkvistöðvarinnar að Norðurgarði 5 að ógni starfsemi þar. Öryggisráðstafanir vegna hættulegra efna felast m.a. í öflugum árekstrarvörnum umhverfis efnageymslur og eldvarnarhólfunum. Geymsla hættulegra efna yrði vestan til á stórri lóðinni þannig að áhrifasvæði mögulegs slyss, allt að 100 m frá efnageymslum, nái ekki inn á lóð slökkvistöðvar. Næsta íbúðarhús yrði í meira en 200 m fjarlægð frá efnageymslu og þar með langt utan hættusvæðis.

Áki Hauksson vék af fundi undir þessum lið.

Byggðarráð þakkar Magna fyrir komuna á fundinn og kynninguna á stöðu mála hjá fyrirtækinu.

Lagt fram til kynningar.

Stjórn Hafnasjóðs þakkar Magna fyrir góða kynningu á verkefninu og þeim uppbyggingar áformum sem Íslandsþari hefur í Norðurþingi. Allar forsendur benda til þess að verkefnið muni skila verulegum tekjum til samfélagsins í Norðurþingi og einnig umtalsverðum beinum tekjum til Hafnarinnar og Orkuveitu Húsavíkur. Áhætta sveitarfélagsins og kostnaður sveitarsjóðs af verkefninu er óverulegur.