Rekstur ferðaþjónustu í Heiðarbæ 2021

Fyrir liggur að leigusamningur við núverandi rekstraraðila félagsheimilisins Heiðarbæjar er útrunninn og því þarf að taka afstöðu til nýtingu hússins og tjaldsvæðisins á komandi sumri.

Fyrir skemmstu var opnað fyrir umsóknir áhugasamra um rekstur í Heiðarbæ, Reykjahverfi sumarið 2021. Undanfarin ár hefur þar verið rekin ferðaþjónusta í formi tjaldsvæðis, veitingasölu og sundlaugar. Alls sóttust þrír aðilar/hópar eftir því að taka húseignina á leigu og halda úti rekstri í sumar á svipuðum nótum og verið hefur undanfarin ár. Sveitarstjóri ásamt umsjónarmanni fasteigna á framkvæmdasviði Norðurþings önnuðust yfirferð umsókna og tóku viðtöl við umsækjendur. Fyrir byggðarráði liggur að taka ákvörðun um það með hvaða hætti verði staðið að ráðningu rekstraraðila. Sveitarstjóri og umsjónarmaður fasteigna gera grein fyrir mati á umsækjendum.

Á 360. fundi byggðarráðs voru til umfjöllunar umsóknir áhugasamra um rekstur i Heiðarbæ, Reykjahverfi sumarið 2021.
Á fundinum var bókað;
Byggðarráð frestar afgreiðslu málsins þar til niðurstaða liggur fyrir varðandi kauptilboð í fasteignina Heiðarbæ.