Ósk um samstarf við Norðurþing vegna Söngkeppni framhaldsskólanna 2022

Örlygur Hnefill Örlygsson f.h. Söngkeppni framhaldsskólanna óskar eftir samstarfi við sveitarfélagið Norðurþing um að keppnin 2022 fari fram á Húsavík.
Stefnt er að því að Söngkeppni framhaldsskólanna fari fram þann 2. apríl og er óskað eftir stuðningi við keppnina í formi þess að fá án endurgjalds afnot af Íþróttahöllinni á Húsavík undir framkvæmd keppninar og útsendingu hennar í sjónvarpi. Jafnframt er óskað aðstoðar framkvæmdasviðs Norðurþings við að koma upp festingum í loft íþróttahallarinnar vegna ljósabúnaðar.

Fyrir byggðarráði liggur ósk um samtarf vegna Söngkeppni framhaldsskólanna 2022. Erindið var tekið fyrir í fjölskylduráði sem þakkar fyrir erindið og tekur jákvætt í það. Ráðið felur íþrótta- og tómstundafulltrúa að vinna málið áfram.

Á 385. fundi byggðarráðs var eftirfarandi bókað:

Byggðarráð fagnar áformum um að Söngkeppni framhaldsskólanna 2022 verði haldin á Húsavík og tekur jákvætt í erindið og því frumkvæði sem því fylgir.
Byggðarráð vísar erindinu til umfjöllunar í skipulags- og framkvæmdaráði.