Hönnun skíðavæðis við Reyðarárhnjúk

Fjölskylduráð hefur til kynningar fyrstu drög frá SE Group varðandi hönnun skíðasvæðisins við Reyðarárhnjúk.

Á 118. fundi fjölskylduráðs 9. maí, var eftirfarandi bókað: Fjölskylduráð fór yfir tillögur frá SE Group varðandi hönnun á heilsársútivistarsvæði við Reyðarárhnjúk.
Fjölskylduráð felur íþrótta- og tómstundafulltrúa að kynna málið fyrir skipulags- og framkvæmdaráði. Ráðið felur íþrótta- og tómstundafulltrúa að boða til fundar með samráðshópi sem áður hefur fjallað um möguleika útivistarsvæðis við Reyðarárhnjúk. Samráðshópurinn mun skila af sér athugasemdum og tillögum við fyrstu drög SE Group. Að þeim fundum loknum mun málið verða tekið fyrir hjá fjölskylduráði að nýju. Kjartan Páll Þórarinsson íþrótta- og tómstundafulltrúi kom á fundinn og kynnti stöðu mála.

Fjölskylduráð hefur til kynningar hönnun á heilsárs útivistarsvæði Norðurþings við Reyðarárhnjúk. Verkið er unnið af ráðgjafastofuna SE Group í samráði við hagaðila.

Íþrótta- og tómstundafulltrúi kynnti hönnun skíðasvæðis við Reyðarárhnjúk.

Fjölskylduráð Norðurþings fjallar um hönnunarskýrslu SE Group á skíðasvæðinu við Húsavík.

Samráðshópur áhugafólks hefur unnið að verkinu frá upphafi og fjallað um þá hönnun er fyrir liggur.

Á vinnnufundi þann 11. maí 2023 bókaði vinnuhópurinn eftirfarandi ályktun:
Almenn ánægja er með niðurstöður skýrslunnar. Frá fyrstu hönnunardrögum hefur svæðið verið einfaldað. Möguleikar á heilsársnýtingu svæðis eru kannaðir.

Bent er á 4 atriði í lyftumálum
Lenging á núverandi lyftu
Ný 1300m stólalyfta
Ný toglyfta fyrir ofan núverandi lyftu
Töfrateppi

Bílastæði og þjónustusvæði er nálægt fyrirhuguðu göngusvæði

Nú eru til staðar hönnunargögn sem hægt er að vinna út frá í uppbyggingu svæðisins í framtíðinni. Allar stærri framkvæmdir á svæðinu munu kalla á frekari vinnu og greiningu sem hægt er að vinna eftir því sem uppbyggingu svæðisins miðar áfram.

Nánari staðsetning á endastöðum lyftna yrði ákveðin út frá hæðarmælingum og snjómælingu. Hönnunarskjalið og lyftuteiknigar gefa grófa vísbendingu um bestu kosti svæðisins.

Á 153. fundi fjölskylduráðs 23. maí 2023, var eftirfarandi bókað:

Fjölskylduráð þakkar samráðshópi áhugafólks fyrir aðkomu þeirra að vinnu við hönnun heilsárs útivistarsvæðisins við Reyðarárhnjúk. Ráðið vísar málinu til umfjöllunar í sveitarstjórn.

Sveitarstjórn vísaði málinu til skipulags- og framkvæmdaráðs.