Refa- og minkaveiði í Norðurþingi 2022

Skipulags- og framkvæmdaráð felur framkvæmda- og þjónustufulltrúa að taka saman upplýsingar um samninga Norðurþings um refa- og minkaveiði sem og fyrirkomulag refa- og minkaveiða í nágrannasveitarfélögum og leggja fyrir ráðið að nýju.

Skipulags- og framkvæmdaráð felur framkvæmda- og þjónustufulltrúa að gera drög að formi nýrra samninga og leggja fyrir ráðið.

Skipulags- og framkvæmdaráð felur Framkvæmda- og þjónsutufulltrúa að gera samninga við veiðimenn samkvæmt nýjum samningi.

Skipulags-og framkvæmdaráð þakkar Æðarræktarfélagi Íslands fyrir bréfið og felur framkvæmda-og þjónustufulltrúa að svara bréfinu. Einnig felur ráðið framkvæmda-og þjónustufulltrúa að auglýsa þau svæði sem ekki voru endurnýjuð.

Skipulags- og framkvæmdaráð þakkar gestum komuna á fundinn. Ráðið felur framkvæmda- og þjónustufulltrúa að svara bréfi Æðarræktarfélags Íslands.

Lagt fram til kynningar. Sviðsstjóra umhverfis- og skipulagssviðs falið að vinna málið áfram og leggja fyrir ráðið að nýju í nóvember.

Tillögu A er hafnað samhljóða.

Kristinn leggur fram breytingartillögu á leið B sem inniheldur breytingar á heildarupphæð sem fer í veiðar á refum og minkum verði að hámarki 8 millj. kr. árið 2024 og að ekki verði greitt kílómetragjald vegna refaveiða.
Tillögu Kristins er hafnað með atkvæðum Aldeyjar, Birnu og Soffíu. Birkir og Kristinn greiða atkvæðu með tillögunni.

Aldey, Birna og Soffía samþykkja að fara að breytingartillögu Kristins með þeim breytingum að heildarupphæð fyrir refa- og minkaveiði verði 10 millj. kr. á árinu 2024.

Sviðsstjóri skipulags- og umhverfissviðs mun kynna tillögu að samningum vegna veiðanna fyrir ráðinu áður en þeir verða auglýstir.

Eysteinn Heiðar Kristjánsson leggur fram þá tillögu að haldinn verði vinnufundur um fyrirkomulag minka- og refaveiða í Norðurþingi. Boðin verði þátttaka þeim veiðimönnum sem hafa verið síðustu 3 ár með samning við Norðurþing um minka- eða refaveiðar og einnig þeim landeigendum sem samningar um refa- og minkaveiðar ná yfir. Markmið fundarins er að skapa vettvang fyrir landeigendur og veiðimenn til að koma sínum sjónarmiðum á framfæri og gera tillögur að útfærslu veiða á refum og minkum.

Skipulags- og framkvæmdaráð samþykkir að haldinn verði vinnufundur á næstunni og felur sviðsstjóra skipulags- og umhverfissviðs að skipuleggja fundinn.

Eysteinn Heiðar Kristjánsson gerir tillögu að sviðsstjóra skipulags- og umhverfissviðs verði falið að eiga samtal við nágrannasveitarfélög Norðurþings um mögulegt samstarf um minkaveiðar.

Skipulags- og framkvæmdaráð samþykkir tillöguna samhljóða.

Skipulags- og framkvæmdaráð felur sviðsstjóra að skipuleggja refa- og minkaveiðar í Norðurþingi innan þeirra fjárheimilda sem samþykktar voru í málaflokkinn í fjárhagsáætlun 2024.

Skipulags- og framkvæmdaráð felur sviðsstjóra skipulags- og umhverfissviðs að ganga til samninga við refaveiðimenn á þeim forsendum sem fram koma í tillögu sviðsstjóra og voru kynntar fyrir ráðinu.