Kynning á fyrirhuguðu uppgræðsluverkefni í upplandi Húsavíkur - Grjóthálsskógar.

Fyrir byggðarráði liggur erindi frá Skóræktarfélagi Húsavíkur vegna skógræktar á Grjóthálsi.

Á síðasta fundi byggðarráðs var sveitarstjóra falið að boða fulltrúa frá Skógræktarfélagi Húsavíkur á fund byggðarráðs og fara yfir fyrirhugað uppgræðsluverkefni í upplandi Húsavíkur.

Þröstur Eysteinsson og Árni Sigurbjarnarson frá Skógræktarfélagi Húsavíkur mættu á fund byggðarráðs kl.09:00 og kynntu uppgræðsluverkefnið Grjóthálsskógar. Skógræktarfélagið óskar eftir viljayfirlýsingu á milli aðila um verkefnið, þ.e. Norðurþings, Lands og skóga, Yggdrasill Carbon og Skógræktarfélags Húsavíkur.

Þröstur og Árni viku af fundi kl. 09:50.

Á 465. fundi byggðarráðs 23.05.2024, var eftirfarandi bókað: Byggðarráð þakkar Þresti og Árna frá Skógræktarfélagi Húsavíkur fyrir kynninguna og komuna á fundinn.
Byggðarráð felur sveitarstjóra að útbúa drög að viljayfirlýsingu á milli aðila og vísar málinu til kynningar í skipulags- og framkvæmdaráði.

Fyrir byggðarráði liggja drög að viljayfirlýsingu á milli Norðurþings, Skógræktarfélags Húsavíkur, Yggdrasill Carbon og Land og Skógur; samstarf um uppgræðslu- og kolefnisbindingarverkefni á heiðarlöndum Húsavíkur undir nafninu Grjóthálsskógar.

Á 466. fundi byggðarráðs var eftirfarandi bókað:

Byggðarráð samþykkir meðfylgjandi viljayfirlýsingu og vísar henni til umfjöllunar í sveitarstjórn.