Lækkun á hámarkshraða á Kópaskeri og Raufarhöfn

Tillaga um hraðatakmarkanir á Kópaskeri og Raufarhöfn.
Tillagan felur í sér að hámarkshraði á Kópaskeri og Raufarhöfn verði 30 km/klst.

Skipulags- og framkvæmdaráð samþykkir að gerð verði könnun meðal íbúa í gegnum íbúasamráð á betraisland.is sem verður nánar auglýst síðar.

Skoðanakönnun varðandi umferðarhraða á Raufarhöfn fór fram 6.-13. nóvember á Betraisland.is. Könnunin var gerð vegna áskorana frá íbúum á Raufarhöfn og alls gátu 206 íbúar tekið þátt og kosið. Könnunin var auglýst á heimasíðu Norðurþings og á samfélagsmiðlum.
Alls kusu 20 manns, 16 voru á móti og 4 með tillögunni sem felur í sér að lækka hámarkshraða í þorpinu úr 50 í 30 km/klst. 12 skrifuðu rök með eða móti tillögunni.

Skipulags- og framkvæmdaráð samþykkir að halda umferðarhraða á Raufarhöfn óbreyttum. Á Kópaskeri verði auglýstur hámarkshraði 30 km/klst. frá þjóðvegi til samræmis við umferðarmerkingar.