Skipulags- og byggingarnefnd Norðurþings

Lagt fram.

Óskað er eftir lóð undir starfsemi fyrirtækisins á iðnaðarsvæðinu á Bakka. Fyrir fundi liggur teikning af mögulegri lóð. Skipulags- og byggingarnefnd tekur jákvætt í erindið og óskar samþykki bæjarstjórnar fyrir deiliskipulagsvinnu á svæðinu.

Óskað er eftir stöðuleyfi fyrir færanlega steypustöð á fyrirhugaðri lóð fyrirtækisins við Bakka. Skipulags- og byggingarnefnd telur að unnt verði að samþykkja stöðuleyfi þegar fullnægjandi teikningum af gerð og fyrirkomulagi búnaðar hefur verið skilað inn til byggingarfulltrúa. Afgreiðslu erindis frestað þar til fullnægjandi gögnum hefur verið skilað.

Óskað er eftir byggingarleyfi fyrir nýju dæluhúsi við hverinn Strút að Hveravöllum. Húsið er 19,6 m² að grunnfleti og teiknað af Almari Eggertssyni byggingarfræðingi. Með umsókn var lagt fram skriflegt samþykki nágranna og landeiganda. Skipulags- og byggingarnefnd samþykkir erindið.

Erindið var samþykkt af byggingarfulltrúa 15. apríl s.l. Lagt fram.

Óskað er umsagnar um fyrirhugaða stækkun hótels að Ketilsbraut 22. Fyrir fundi liggja teikningar af mögulegri stækkun. Skipulags- og byggingarnefnd telur fyrirhugaða viðbyggingu að umfangi í samræmi við það sem fyrirhugað var við uppbyggingu hótelsins upphaflega. Hinsvegar er ekki í gildi deiliskipulag sem skilgreinir byggingarrétt á lóðinni. Nefndin telur því óhjákvæmilegt að vinna nýtt deiliskipulag af svæðinu áður en leyfi verður veitt til framkvæmda. Skipulags- og byggingarnefnd óskar samstarfs við lóðarhafa um gerð deiliskipulagstillögu.

Rætt var um stöðu ófrágenginna lóða við Stakkholt, Lyngholt og Laugarbrekku. Skipulags- og byggingarfulltrúa er falið að fara fram á það við lóðarhafa að gengið verði á fullnægjandi hátt frá lóðunum.

Nú er lokið þeim fresti sem lögboðnum umsagnaraðilum og almenningi var gefinn til að koma á framfæri athugasemdum vegna skipulags- og matslýsingar fyrir deiliskipulag sorpurðunarsvæðis í Laugardal. Athugasemdir og umsagnir bárust frá þremur aðilum: 1. Skipulagsstofnun kemur ýmsum athugasemdum og ábendingum á framfæri í bréfum dags. 10. og 11. apríl.2. Heilbrigðiseftirlit Norðurlands eystra gerir með bréfi dags. 17. apríl athugasemdir við umfang fyrirhugaðrar urðunar.3. Minjavörður staðfestir með tölvupósti 7. maí 2013 að hann geri ekki athugasemdir við skipulagslýsinguna. Ljóst er að mistök hafa átt sér stað varðandi lýsingu á magni og umfangi urðanlegs úrgangs á svæðinu í áður kynntri skipulagslýsingu. Ekki er gert ráð fyrir að urðun á svæðinu upp á meira en 500 tonnum á ári af óvirkum úrgangi. Þegar hefur verið skilað inn til Norðurþings leiðréttri skipulags- og matslýsingu fyrir urðunarsvæðið þar sem tekið er tillit til athugasemda Skipulagsstofnunar og Heilbrigðiseftirlits Norðurlands eystra. Skipulags- og byggingarnefnd leggur til við bæjarstjórn að skipulagslýsingin verði samþykkt með þeim breytingum sem gerðar hafa verið.