Bæjarráð Norðurþings

Gunnar Jóhannsson, formaður stjórnar Norðurhjara kom og kynnti starfsemi og áætlanir samtakanna. Fram kom í kynningunni að óskað er eftir stuðningi sveitarfélaganna á starfssvæðinu.

Bæjarráð þakkar Gunnari fyrir góða kynningu. Bæjarráð felur fjármálastjóra að taka saman upplýsingar um heildarframlög sveitarfélagsins til ferðamála og leggja fyrir bæjarráð að nýju.

Fyrir bæjarráði liggur til afgreiðslu fjárhagsáætlun ársins 2015 og 3ja ára áætlun.

Bæjarráð samþykkir að vísa fjárhagsáætlun ársins 2015 og 3ja ára fjárhagsáætlun ( 2016 ? 2018 ) til síðari umræðu í bæjarstjórn.

Fyrir bæjarráði liggur til afgreiðslu álagning gjalda fyrir árið 2015. Fyrirliggjandi er neðangreind tillaga.

Norðurþing
Fjárhagsáætlun 2015



Á L A G N I N G G J A L D A 2015



Útsvar .....................................................................14,52%

Fasteignaskattur:
A flokkur................................................................. 0,575%
B flokkur................................................................. 1,32%
C flokkur................................................................. 1,65%
Lóðaleiga 1............................................................. 1,5%
Lóðaleiga 2............................................................. 2,5%
Vatnsgjald:
A flokkur.................................................................. 0,225%
B flokkur.................................................................. 0,45%
C flokkur.................................................................. 0,45%
Holræsagjald:
A flokkur.................................................................. 0,275%
B flokkur.................................................................. 0,275%
C flokkur.................................................................. 0,275%
___________________________________________________________



Sorpgjöld:
Heimili ................................................................... kr. 50.586.-
Sumarhús ............................................................... kr. 19.849.-

Sorpgjöld innihalda gjaldtöku fyrir bæði hirðingu og eyðingu.

Bæjarráð leggur til við bæjarstjórn að fyrirliggjandi tillaga að gjaldskrá álagningar ársins 2015 verði samþykkt, með fyrirvara um að frumvarp um hámarksútsvar verði að lögum. Breyting á lögunum er vegna samkomulags um tekjuskiptingu milli ríkis og sveitarfélaga vegna málaflokks fatlaðra. Breytingin felur ekki í sér hækkun á sköttum einstaklinga.

Gunnlaugur sat hjá við afgreiðslu þessa liðar.

Fyrir bæjarráði liggur erindi frá Trésmiðjunni Val ehf., þar sem fram kemur ósk um viðræður við bæjarráð um uppbyggingu íbúða fyrir eldri borgara.

Bæjarráð tekur jákvætt í erindið og felur bæjarstjóra að koma á fundi með aðilum vegna málsins.

Fyrir bæjarráði liggur til umsagnar, frá Umhverfis- og samgöngunefnd Alþingis, frumvarp til laga um breytingar á lögum um tekjustofna sveitarfélaga, mál 366.


Lagt fram til kynningar.

Fyrir bæjarráði liggur erindi vegna eignar sveitarfélagsins sem liggur inni hjá EFF ehf. Um er að ræða möguleg uppkaup sveitarfélagsins á leigusamningi sem gerður var um leikskólann að Grænuvöllum.

Bæjarráð samþykkir að fara í viðræður við eigendur samningsins um uppkaup á honum og leysa til sín fasteignina.

Bæjarráð felur Friðriki Sigurðssyni að fara með umboð sveitarfélagsins á hluthafafundi Sorpsamlags Þingeyinga ehf. Sem fer fram á morgun, föstudaginn 12. desember.