Byggðarráð Norðurþings

Á fund byggðarráðs koma verkefnisstjórar byggðaverkefna Norðurþings, þær Charlotta Englund og Nanna Höskuldsdóttir til að fara yfir stöðuna tengda Öxarfirði í sókn og Raufarhöfn og framtíðinni. Raufarhafnarverkefninu er nú þegar formlega lokið en Nanna hefur frá þeim tíma sinnt ýmsum verkefni fyrir Norðuþing á staðnum samhliða störfum fyrir landshlutasamtökin (SSNE). Verkefninu í Öxarfirði lýkur sömuleiðis með formlegum hætti um áramóti og umræður um stöðuna og verkefnið sem slíkt því mikilvægur uppá framhaldið að gera.

Á 332. fundi bygggðarráðs var eftirfarandi bókað:
Byggðarráð felur sveitarstjóra að vinna drög að breytingum á 13. greín samþykktar um kjör í stjórnum, ráðum og nefndum Norðurþings sem felur í sér að fulltrúar sveitarfélagsins sem skipaðir eru til setu í nefndum, stjórnum og ráðum utan stjórnsýslu sveitarfélagsins fái greitt samkvæmt 12. grein samþykktarinnar í þeim tilfellum þegar hlutaðeigandi aðilar greiða ekki fyrir setuna.

Sveitarstjóri gerir grein fyrir stöðu mála í kjölfar fundar með fulltrúum ríkisstjórnarinnar um framtíð atvinnuuppbyggingar á Bakka frá í júlí sl.

Lögð er fyrir byggðarráð ítrekun fasteignareiganda að Iðavöllum 6 um niðurfellingu sorphirðugjalda, í kjölfar þess að sveitarfélagið synjaði áður umbeðinni ósk þess sama.

Lögð er fram stjórnsýslukæra vegan synjunar á endurgreiðslu og niðurfellingu sorphirðugjalda á Garðarsbraut 12 sem eigandi fasteignarinnar hefur sent Velferðarnefnd umhverfis- og auðlindamála. Í kærunni eru málsástæður tíundaðar og ákvörðun Norðurþings frá 11. júní sl. kærð.

Norðurþingi hefur borist bindandi kauptilboð frá Fiskeldi Austfjarða hf. kt. 520412-0930, í allan eignarhlut sveitarfélagsins í Rifósi hf., kt. 500692-2869, Lóni Kelduhverfi, 671 Kópasker. Um er að ræða tilboð um kaup á 2.872.910 nafnverðshlutum í Rifósi, en tilboðsverð skal nema kr. 1,1 á hvern nafnverðshlut eða samtals kr. 3.160.201. Erindið barst sveitarfélaginu 23. júlí og gefinn svarfrestur til tveggja vikna. Sveitarstjóri óskaði eftir auknum fresti, eða til og með 14. ágúst sem var góðfúsleg veittur. Fyrir liggur að byggðarráð taki afstöðu til kauptilboðsins.

Til kynningar er afrit af stjórnsýslukæru, móttekin 23. júlí 2020, þar sem kærðar eru yfirstandandi athafnir og athafnaleysi Vegagerðarinnar vegna umhverfismats- og framkvæmdaleyfisskyldra vegaframkvæmda og bílastæðagerð í Vesturdal innan Vatnajökulsþjóðgarðs. Eftir atvikum athafnaleysi sveitarstjórnar Norðurþings, skipulagsfulltrúa Norðurþings, þjóðgarðarsvarðar Norðursvæðis Vatnajökulsþjóðgarðsum eftirlit með að við athafnir Vegagerðarinnar skv. ofangreindu sé farið að lögum um þjóðgarðinn, reglugerðum og verndaráætlun fyrir hann. Ákvörðun sveitarstjórnar Norðurþings 29. apríl 2014 að því leyti sem hún kann að hafa falið í sér samþykki fyrir ofangreindum athöfnum Vegagerðarinnar.

Vegna framkominnar stöðvunarkröfu hefur Úrskurðarnefnd umhverfis- og auðlindamálið farið fram á að fá í hendur gögn er málið varða fyrir 30. júlí nk. og er stjórnvaldi gefinn kostur á að tjá sig um kröfuna til sama tíma. Frestur til að gera athugasemdir vegna kærunnar að öðru leyti er 30 dagar frá dagsetningu þessarar tilkynningar, sbr. 5. mgr. 4. gr. laga nr. 130/2011 um úrskurðarnefndumhverfis- og auðlindamála.

Færa þarf til bókar afstöðu byggðarráðs til óskar frá fyrirtækinu Sprell ehf. um að fá aðstöðu við höfnina á Húsavík til uppsetningar á leiktækjum helgina 25.-26. júlí sl.

Færa þarf til bókar afstöðu byggðarráðs til óskar frá Sýslumanninum á Norðurlandi eystra f.h. Norðanmat ehf. vegna viðburðar 25. júlí sl.

Fyrir byggðarráði liggur fundargerð 210. fundar stjórnar Orkuveitu Húsavíkur ohf.

Fyrir byggðarráði liggur fundargerð 69. fundar fjölskylduráðs.