Byggðarráð Norðurþings

Á 335. fundi byggðarráðs var eftirfarandi bókað;

Byggðarráð felur sveitarstjóra að fá lögfræðiálit vegna málsins og leggja fyrir byggðarráð að nýju.

Á 335. fundi byggðarráðrs var eftirfarandi bókað:

Byggðarráð felur sveitarstjóra að taka saman svarbréf og leggja fyrir næsta fund byggðarráðs.

Sveitarstjóri fer yfir þær upplýsingar sem liggja fyrir um framvindu málsins eftir fundi með Landsvirkjun í síðustu viku, sem og þá stefnu sveitarfélagsins sem skal birtast í samstarfi við ríkið um að nálgast frekari uppbyggingu á Bakka á forsendum þess að verða grænn iðngarður.

Um nokkurt skeið hefur verið unnið að því með hvaða hætti megi renna sterkari stoðum undir grunnrekstur Rannsóknastöðinnar Rifs á Melrakkasléttu. Fyrir liggur tillaga umhverfisráðherra að stöðinni verði tryggðar 10 mkr frá umhverfis- og auðlindaráðuneytinu á ári til 5 ára, gegnum aukið rekstrarframlag til Náttúrustofu Norðausturlands sem sérstaklega er ætlað starfsemi Rannsóknastöðvarinnar. Með auknum framlögum til NNA myndi Norðurþing áfram leggja fram 30% af framlagi ríkisins í samræmi 10. gr. laga nr. 60/1992 um Náttúrufræðistofnun og náttúrustofur þannig að rekstrarfjárhæð Rifs myndi aukast sem því næmi.

Þess er óskað að afstaða byggðarráðs til ofangreinds fyrirkomulags liggi fyrir eins skjótt og verða má.

Fyrir byggðarráði liggur til kynningar skjal frá Sambandi íslenskra sveitarfélaga með tölulega upplýsingar um stöðu á vinnumarkaði í Norðurþingi m.t.t atvinnuleysis og minnkandi starfshlutfalls.

Á 70. fundi fjölskylduráðs var eftirfarandi bókað:

Benóný, Berglind og Heiðbjört leggja fram eftirfarandi tillögu:

Á fundi fjölskylduráðs Norðurþings þann 10. júní sl. var samþykkt að gera skipulagsbreytingu á fjölskyldusviði þannig að málaflokkur frístundar 1.-4. bekkjar á Húsavík færðist að öllu leyti undir stjórn Borgarhólsskóla. Samþykkt var að þessi breyting tæki gildi frá 1. september 2020. Á fundi byggðarráðs 2. júlí var fjölskylduráði falið að láta kostnaðargreina tilfærsluna. Fyrir þessum fundi liggur nú kostnaðargreining sem unnin hefur verið af starfsfólki fjölskyldusviðs, þar sem fram kemur m.a. að kostnaður Norðurþings við rekstur frístundar á Húsavík sé á ársgrundvelli 10.929.300 kr.

Fyrir liggur að einhver kostnaðarauki verður við tilfærsluna en að mati ráðsins er hann óverulegur og rúmast innan fjárhagsramma fræðslusviðs.

Því er lagt til að þessir fjármunir verði færðir milli málaflokka samkvæmt fyrirliggjandi ákvörðun ráðsins. Þessi ákvörðun liggi til grundvallar fjárhagsáætlunar fyrir árið 2021 (heilt rekstrarár) en hlutfallslega fyrir líðandi rekstrarár miðað við þá dagsetningu sem ákveðin var á fyrri fundi ráðsins.

Tilagan er samþykkt með atkvæðum Benónýs, Berglindar og Heiðbjartar.
Hrund og Arna sátu hjá við atkvæðagreiðslu.

Málinu er vísað til byggðarráðs til afgreiðslu.

Á 75. fundi skipulags- og framkvæmdaráðs var eftirfarandi bókað:

Skipulags- og framkvæmdaráð beinir því til byggðaráðs að taka umræðu um þá ákvörðun um að ekki verði hliðrað til varðandi skuldir sem myndast hafa fyrir 1. mars 2020 með tilliti til þess ástands sem hefur myndast hjá mörgum fyrirtækjum í kjölfar Covid-19. Ráðið leggur til við byggðaráð að greiðslusamkomulög haldi sér en innheimtuaðgerðum verði frestað um óákveðinn tíma

Fyrir byggðarráði liggur til kynningar samráðsgátt á heimasíðu Byggðastofnunar vegna endurskoðunar á gildandi byggðaáætlun.

Boðað er til aðalfundar Leigufélags Hvamms ehf., mánudaginn 24. ágúst n.k. Dagskrá fundarins fer samkvæmt samþykktum félagsins.

Fyrir byggðarráði liggur fundargerð hverfisráðs Raufarhafnar frá 15. júlí sl.

Fyrir byggðarráði liggur til kynningar fundargerð frá 11. fundi stjórnar SSNE.