Farþegagjöld 2015/2016

Norðursigling gerir athugasemdir við innheimtu farþegagjalda fyrir árið 2015.

Hafnanefnd fellst á að reikningar fyrir árið 2015 hafi borst of seint enda lágu tölur um farþegafjölda frá fyrirtækinu ekki fyrir.

Óskað er eftir samtali um grundvöll á einingarverði farþegagjalds.

Hafnanefnd mun boða fyrirtæki í hafnsækinni ferðaþjónustu á sinn fund þar sem farið verður yfir þessi mál.

Farið er fram á í bréfi þessu upplýsingar um ráðstöfun tekna af farþegagjöldum.

Rekstrarstjóra hafna er falið að taka saman minnisblað um uppbyggingu og viðhald Húsavíkurhafnar og senda öllum ferðaþjónustufyrirtækjum við Húsavíkurhöfn þær upplýsingar.

Hafnanefnd felur hafnastjóra að senda Hafnasambandi Íslands erindi þar sem óskað er eftir áliti Hafnasambandsins á málinu.

Skipulags- og framkvæmdaráð frestar erindinu og kallar eftir viðbrögðum aðgerðahóps Norðurþings vegna COVID-19 m.t.t. heildstæðra aðgerða gagnvart viðskiptavinum Norðurþings og felur formanni ráðsins að fylgja málinu eftir.

Skipulags- og framkvæmdaráð samþykkir að ekki verði hliðrað til gjalddögum á eldri skuldum lögaðila sem gerðir hafa verið samningar um heldur skuli samningar standa. Það er til samræmis við tillögur aðgerðahóps Covid-19 og bókanir byggðarráðs.

Skipulags- og framkvæmdaráð beinir því til byggðaráðs að taka umræðu um þá ákvörðun um að ekki verði hliðrað til varðandi skuldir sem myndast hafa fyrir 1. mars 2020 með tilliti til þess ástands sem hefur myndast hjá mörgum fyrirtækjum í kjölfar Covid-19. Ráðið leggur til við byggðaráð að greiðslusamkomulög haldi sér en innheimtuaðgerðum verði frestað um óákveðinn tíma.

Byggðarráð frestar afgreiðslu málsins og felur sveitarstjóra að afla frekari gagna.

Meirihluti skipulags- og framkvæmdaráð felst á tillögu Norðursiglingar hf. vegna samkomulags frá apríl 2018, um uppgjör á eftirstöðvum farþegagjalda frá árunum 2015-2017. Tillagan felur í sér að hluti þeirra afborganna sem falla til á þessu ári verður greiddur á þessu ári og að sá hluti sem eftir stendur verði færður til ársins 2022.
Skipulags- og framkvæmdaráð samþykkir að sá hluti sem verður greiddur á þessu ári greiðist þann 20. nóvember nk. og sá hluti sem færist til ársins 2022 verði greiddur með 5,64% vöxtum og gjalddagar verði 20. júní 2022, 20. júlí 2022 og 20. september 2022.
Tilhögun þessi er vegna erfiðleika í rekstri í tengslum við Covid-19 heimsfaraldurinn.
Öðrum aðilum í sambærilegri stöðu munu bjóðast samskonar kjör leiti þeir eftir því.

Bergur Elías situr hjá við afgreiðslu málsins.

Samkomulagið er samþykkt með atkvæðum Silju, Guðmundar og Kristins.
Kristján situr hjá.
Bergur greiðir atkvæði á móti.

Bergur óskar bókað;
Get ekki samþykkt fyrirliggjandi samning. Verði hann samþykktur er ljóst að önnur fyrirtæki geti fengið sambærileg kjör. Því skal haldið til haga að engar tryggingar eru fyrir greiðslu gjaldanna.