Félags- og barnaverndarnefnd Norðurþings

Nefndin fagnar framkominni þingsályktunartillögu um aðgerðaáætlun um geðheilbrigðisþjónustu fyrir börn, unglinga og fjölskyldur þeirra.

Nefndin felur félagsmálastjóra að vinna tillögu að skipulagsbreytingum innan félagsþjónustunnar með það að markmiði að gera þjónustuna skilvirkari, markvissari og aðgengilegri fyrir notendur hennar. Nefndin leggur einnig áherslu á að reynt verði að hagræða eins og kostur er innan málaflokksins þannig að fjármunir sveitarfélagsins nýtist sem best án þess að þjónusta skerðist. Í þessu felst að kanna hvort sameining ákveðinna sviða eða deilda sé kostur. Félagsmálastjóra er falið að skoða uppbygginguna hjá sveitarfélögum af sambærilegri stærðargráðu.

Fjárhagsáætlun rædd, breytingar lagðar fyrir bæjarráð

Vegna vinnu við endurskoðun samningum félagsþjónustunnar er lagt til að samningi um ferðaþjónustu verði sagt upp.
Nefndin felur félagsmálastjóra að segja upp samningi um ferðaþjónustu, milli Fjallasýnar Rúnars Óskarssonar ehf og Félagsþjónustu Norðurþings annars vegar og Hvamms, heimilis aldraðra, hins vegar frá áramótun eins og heimild er um í samningi milli aðila sem tók gildi þann 1. janúar 2011 og gilti til 31. desember 2013. Samningurinn endurnýjaðist sjálfkrafa um 2 ár þar sem honum var ekki sagt upp.