Fjölskylduráð

Starfsáætlun Borgarhólsskóla 2023-2024 er lögð fram til kynningar.

Skýrsla um innra mat í Borgarhólsskóla 2023-2024 er lögð fram til kynningar.

Fjölskylduráð hefur til umfjöllunar starfsemi Grænuvalla.

Á 137. fundi sveitarstjórnar var eftirfarandi bókað:

Það hefur lengi verið stefna Norðurþings að bjóða öllum 12 mánaða börnum upp á leikskólapláss. Nú er svo komið með auknum fjölda íbúa að framundan er að biðlistar fari að myndast eftir leikskólaplássi fyrir 12-24 mánaða börn. Frá árinu 2007 hefur hluti af starfsemi Grænuvalla verið í einingum sem litið hefur verið á sem bráðabirgða úrræði. Þar má nefna deildina Hól, aðstöðu starfsfólks að Iðavöllum 8 og yngri barna deildina Róm sem er í þeirri aðstöðu sem starfsfólk hafði áður. Grænuvellir verða í vetur 160 barna leikskóli og með framangreindum bráðabirgðaúrræðum er komið að þolmörkum þar bæði hvað varðar aðstöðu en ekki síður aðkomu að leikskólanum. Mikilvægt er að hefja greiningarvinnu vegna fjölgunar íbúa og áhrif þess á þörf fyrir fleiri leikskólarými á Húsavík. Jafnframt að greina hvers konar leikskólaúrræði væri skynsamlegast að koma upp, fyrir yngri börn, fyrir eldri börn eða blandaðan aldurshóp barna. Undirrituð leggja til að skipaður verði starfshópur sem vinna muni greiningu á framangreindu og skila til fjölskylduráðs og byggðarráðs tillögum að mögulegum staðsetningum fyrir leikskóla á Húsavík. Hópurinn skili tillögum í eigi síðar en 1. maí 2024. Gert verði ráð fyrir allt að 6 fundum hópsins. Fjárheimildir vegna þóknunar til fulltrúa í hópnum, gagnaöflunar, utanaðkomandi ráðgjafar og annars tilfallandi verði allt að 2.200.000 kr., þar af allt að 400.000 kr. fram til áramóta. Þóknun vegna vinnu í hópnum nemi 50% af þóknun fyrir fundarsetu í fastanefndum sveitarfélagsins og ekki verði greitt sérstaklega fyrir formennsku. Lagt er til að fjölskylduráð skipi í hópinn ásamt því að lögð fram tillaga að erindisbréfi hópsins. Eiður Pétursson Hafrún Olgeirsdóttir Helena Eydís Ingólfsdóttir Hjálmar Bogi Hafliðason Soffía Gísladóttir

Til máls tóku: Ingibjörg, Benóný, Áki, Hjálmar, Hafrún, Aldey og Helena.


Ingibjörg leggur fram eftirfarandi breytingartillögu:

Það hefur lengi verið stefna Norðurþings að bjóða öllum 12 mánaða börnum upp á leikskólapláss. Nú er svo komið með auknum fjölda íbúa að framundan er að biðlistar fari að myndast eftir leikskólaplássi fyrir 12-24 mánaða börn. Frá árinu 2007 hefur hluti af starfsemi Grænuvalla verið í einingum sem litið hefur verið á sem bráðabirgða úrræði. Þar má nefna deildina Hól, aðstöðu starfsfólks að Iðavöllum 8 og yngri barna deildina Róm sem er í þeirri aðstöðu sem starfsfólk hafði áður. Grænuvellir verða í vetur 160 barna leikskóli og með framangreindum bráðabirgðaúrræðum er komið að þolmörkum þar bæði hvað varðar aðstöðu en ekki síður aðkomu að leikskólanum. Mikilvægt er að hefja greiningarvinnu vegna fjölgunar íbúa og áhrif þess á þörf fyrir fleiri leikskólarými á Húsavík. Jafnframt að greina hvers konar leikskólaúrræði væri skynsamlegast að koma upp, fyrir yngri börn, fyrir eldri börn eða blandaðan aldurshóp barna. Undirrituð leggja til að skipaður verði starfshópur sem vinna muni greiningu á framangreindu og skila til fjölskylduráðs og byggðarráðs tillögum að mögulegum staðsetningum fyrir leikskóla á Húsavík. Hópurinn skili tillögum í eigi síðar en 1. maí 2024. Gert verði ráð fyrir allt að 6 fundum hópsins. Lagt er til að fjölskylduráð skipi í hópinn ásamt því að lögð fram tillaga að erindisbréfi hópsins.

Tillaga Ingibjargar er borin upp til atkvæða, tillagan er samþykkt með atkvæðum Aldeyjar, Áka, Eiðs, Benónýs, Hafrúnar, Hjálmars, Ingibjargar og Soffíu.
Helena situr hjá.

Fyrir fjölskylduráði liggur fyrir beiðni um viðauka við fjárhagsáætlun Grunnskóla Raufarhafnar 2023.
Óskað er eftir 1.500.000 krónu viðauka vegna hækkunar á starfshlutfalli í kjölfar fjölgunar nemenda.

Fjölskylduráð hefur til umfjöllunar hönnun og nýtingu nýs húsnæði fyrir Frístund og félagsmiðstöð í kjölfar þess að staðsetning hefur verið ákveðin.

Heimsendi Menningarfélag Óskarsbragga sækir um styrk að upphæð 100.000 kr. í lista- og menningarsjóð vegna sýningar sumarið 2024 í Óskarsbragga á Raufarhöfn.

Nemendur í kvikmynda- og þáttagerð í umsjón Örlygs Hnefils kennara í Borgarhólsskóla sækja um styrk að upphæð 80.000 til 100.000 kr. í lista- og menningarsjóð til að taka upp stuttmynd og til að búa til leikmuni og smiða leikmyndir.

Nemendur í kvikmynda- og þáttagerð í umsjá Örlygs Hnefils kennara í Borgarhólsskóla óska eftir að nota Samkomuhúsið undir frumsýningu á myndinni.

Í ár kom aftur tillaga um að tendra ljósin á jólatrénu á Húsavík föstudaginn 1. desember, kl. 17.00. Jólabærinn minn, Jólahátíð Húsavíkurstofu, verður aftur haldin í miðbæ Húsavíkur helgina 1. - 3. desember og yrði tendrun jólatrésins þá á opnunarviðburði helgarinnar.

Tilmæli félags og vinnumarkaðráðherra um aðstoð við útlendinga sem fengið hafa endanlega synjun á umsókn sinni um alþjóðlega vernd hér á landi og eiga ekki rétt á þjónustu á grundvelli 33.gr laga um útlendinga

Gjaldskrá Borgin sumarfrístund 2024
Fyrir fjölskylduráði liggur til samþykktar gjalskrá Borgarinnar sumarfrístundar 2024
Hækkun gjaldskrár miðast við 7,5% eins og lagt var til á 442. fundi byggðaráðs 26.09.2023

Gjaldskrá Miðjunnar
Fyrir fjölskylduráði liggur til samþykktar gjaldskrá fyrir Miðjuna 2024
Hækkun gjaldskrár miðast við 7,5% eins og lagt var til á 442. fundi byggðaráðs 26.09.2023

Fyrir fjölskylduráði liggur fyrir til samþykktar gjaldskrá 2024 fyrir ferðaþjónustu félagsþjónustu Norðurþings
Hækkun gjaldskrár miðast við 7,5% eins og lagt var til á 442. fundi byggðaráðs 26.09.2023

Fyrir fjölskylduráði liggur til samþykktar gjaldsrá 2024
fyrir Borgina frístund.
Hækkun gjaldskrár miðast við 7,5% eins og lagt var til á 442. fundi byggðaráðs 26.09.2023

Fyrir fjölskylduráði liggur til samþykktar gjaldsrá 2024 vegna Skammtímadvalar 18 ára og eldri.
Hækkun gjaldskrár miðast við 7,5% eins og lagt var til á 442. fundi byggðaráðs 26.09.2023

Fyrir fjölskylduráði liggur fyrir gjaldskrá 2024, greiðslur til stuðningsfjölskyldna.
Hækkun gjaldskrár miðast við 7,5% eins og lagt var til á 442. fundi byggðaráðs 26.09.2023

Á 443. fundi byggðarráðs var eftirfarandi bókað:

Byggðarráð samþykkir framlagða fjárhagsramma vegna fjárhagsáætlunar 2024 og vísar þeim til umfjöllunar annars vegar í fjölskylduráði og hins vegar í skipulags og framkvæmdaráði. Markmið byggðarráðs er að stuðla að aukinni sjálfbærni í rekstri sveitarfélagsins og stuðla að góðri hagstjórn og ábyrgri fjármálastjórn.